ইৰাণৰ সৰ্বোচ্চ নেতা খামেনেইৰ মৃত্যুৰ খবৰ পোৱাৰ পিছতে দেওবাৰে কাশ্মীৰৰ কিছু অংশত প্ৰতিবাদৰ সূত্ৰপাত হয়
আমেৰিকা-ইজৰাইলৰ যৌথ আক্ৰমণত ইৰাণৰ সৰ্বোচ্চ নেতা খামেনেইৰ মৃত্যুৰ খবৰ পোৱাৰ পিছতে দেওবাৰে কাশ্মীৰৰ কিছু অংশত প্ৰতিবাদৰ সূত্ৰপাত হয় । বিশেষকৈ ছিয়া অধ্যুষিত অঞ্চলত শ শ লোক ৰাজপথলৈ ওলাই আহে বুলি বাতৰিত প্ৰকাশ ।
প্ৰতিবাদকাৰীসকলে আমেৰিকা আৰু ইজৰাইলৰ বিৰুদ্ধে শ্লোগান দি ইৰাণৰ সৈতে সংহতি প্ৰকাশ কৰাৰ লগতে এই আক্ৰমণক গৰিহণা দিয়ে । বিক্ষোভত প্ৰতিবাদকাৰীয়ে হাতত খামেনেইৰ ফটো আৰু ইৰাণৰ সমৰ্থনত বেনাৰ প্ৰদৰ্শিত কৰাৰ লগতে ক’লা পতাকা আৰু পৰম্পৰাগত শোক গীত (নৌহা) গোৱা পৰিলক্ষিত হয় ।
ইফালে, জম্মু-কাশ্মীৰ প্ৰদেশ কংগ্ৰেছ কমিটীয়েও খামেনেইৰ মৃত্যুত শোক প্ৰকাশ কৰে । দলৰ সভাপতি তাৰিক হামিদ কাৰাৰ নেতৃত্বত কংগ্ৰেছ নেতাসকলে এই আক্ৰমণক অমানৱীয় আৰু কাপুৰুষালি বুলি অভিহিত কৰি দেওবাৰৰ বাবে সকলো ৰাজনৈতিক অনুষ্ঠান পিছুৱাই দিয়ে । খেমেইনীৰ মৃত্যুত ওমৰ আব্দুল্লা আৰু মেহবুবা মুফটীয়েও শোক প্ৰকাশ কৰে ।
লগতে পঢ়ক : খেমেইনীৰ দ্বিতীয় পুত্ৰৰ হাতত ইৰাণৰ শাসনভাৰ, মুজতাবা খামেইনী হ’ব নতুন সৰ্বোচ্চ নেতা
