মধ্যপ্ৰাচ্যত চলি থকা সংঘাতৰ ফলত বিশ্ব শক্তি যোগানত অহা বাধাৰ মাজতে ভাৰতীয় তেল বিপণন কোম্পানীসমূহে প্ৰিমিয়াম পেট্ৰ’ল আৰু উদ্যোগিক ডিজেলৰ মূল্য বৃদ্ধিৰ সিদ্ধান্ত লোৱা হৈছে।
সমগ্ৰ দেশতে বৃদ্ধি পাইছে প্ৰিমিয়াম পেট্ৰ’লৰ মূল্য।২০ মাৰ্চ ২০২৬ৰ পৰা নতুন মূল্য কাৰ্যকৰী হৈছে, যাৰ অধীনত বিভিন্ন তেল কোম্পানীসমূহৰ প্ৰিমিয়াম ইন্ধন ব্যয়বহুল হৈ পৰিছে।ভাৰত পেট্ৰলিয়াম কৰ্পৰেশ্যন লিমিটেডৰ ‘স্পীড’, হিন্দুস্তান পেট্ৰলিয়াম কৰ্পৰেশ্যন লিমিটেড (এইচ পি চি এল)ৰ ‘শক্তি’ আৰু ইণ্ডিয়ান অইল কৰ্পৰেশ্যন লিমিটেড (আই অ’ চি এল)ৰ ‘এক্সপি৯৫’ পেট্ৰ’লৰ মূল্য প্ৰতি লিটাৰত ২.০৯ ৰ পৰা ২.৩৫ লৈ বৃদ্ধি কৰা হৈছে।
অৱশ্যে,সাধাৰণ গ্ৰাহকৰ বাবে ভাল খবৰটো হ’ল যে বৰ্তমান নিয়মীয়া পেট্ৰ’লৰ দামত কোনো সালসলনি কৰা হোৱা নাই।কোম্পানীসমূহে প্ৰিমিয়াম পেট্ৰ’লৰ মূল্য সেই সময়ত বৃদ্ধি কৰিছে যি সময়ত আন্তঃৰাষ্ট্ৰীয় বজাৰত খাৰুৱা তেলৰ মূল্যৰ উঠা-নমা অব্যাহত আছে।ইয়াৰ ফলত ভৱিষ্যতে ইন্ধনৰ মূল্যত আৰু অধিক প্ৰভাৱ পৰিব পাৰে।
লগতে পঢ়ক: ‘প্ৰতিশোধ এতিয়াও সম্পূৰ্ণ হোৱা নাই’; উপসাগৰীয় তৈলক্ষেত্ৰত আক্ৰমণৰ পিছতে ইৰাণৰ সতৰ্কবাণী
