‘পৰীক্ষা পে চৰ্চা’ কাৰ্যসূচীৰ অধীনত আজি প্ৰধানমন্ত্ৰী মোদীয়ে অসমৰ ২৫ গৰাকী ছাত্ৰ-ছাত্ৰীক ব’ৰ্ড পৰীক্ষাৰ টিপছ প্ৰদান কৰে।
লুইতৰ বুকুত ১ ঘণ্টাতকৈও অধিক সময় অসমৰ বিভিন্ন স্থানৰ পৰা অহা ২৫ গৰাকীকৈ শিক্ষাৰ্থীৰ সৈতে পাৰ কৰিলে প্ৰধানমন্ত্ৰী নৰেন্দ্ৰ মোদীয়ে।এই সময়চোৱাত বিভিন্ন বিষয়ৰ ওপৰত শিক্ষাৰ্থীসকলৰ সৈতে মত বিনিময় কৰে তেওঁ।
‘পৰীক্ষা পে চৰ্চা’ এই কাৰ্যসূচীত অংশগ্ৰহণ কৰা ছাত্ৰ-ছাত্ৰীসকলক কামৰূপ মহানগৰ, মৰিগাঁও, ডিব্ৰুগড়, কাছাৰ, শ্ৰীভূমি, বাকছা, ডিমা হাচাও, কোকৰাঝাৰ, গোলাঘাট, কাৰ্বি আংলং আৰু নলবাৰী জিলাৰ বিদ্যালয়সমূহৰ পৰা নিৰ্বাচিত কৰা হয়।
এই কাৰ্যসূচীত জৱাহৰ নৱোদয় বিদ্যালয়, পি এম শ্ৰী বিদ্যালয়, কেন্দ্ৰীয় বিদ্যালয়, অসম জাতীয় বিদ্যালয়, ডনবস্কো ইনষ্টিটিউট, কস্তুৰবা গান্ধী বালিকা বিদ্যালয়কে ধৰি চৰকাৰী, আৱাসিক, আৰু ব্যক্তিগত বিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে।
উল্লেখ্য যে ২০১৮ চনৰ পৰা প্ৰতি বছৰে পৰিক্ষা পে চৰ্চা বা পিপিচিৰ আয়োজন কৰা হৈছে।এই কাৰ্যসূচীৰ লক্ষ্য হৈছে ছাত্ৰ-ছাত্ৰীসকলক পৰীক্ষাৰ চাপৰ সৈতে মোকাবিলা কৰাত সহায় কৰা আৰু লগতে অধ্যয়ন আৰু মানসিক স্বাস্থ্যৰ মাজত ভাৰসাম্যৰ বাৰ্তা দিয়া।
লগতে পঢ়ক: নয়ডাৰ কেইবাখনো বিদ্যালয় বোমাৰে উৰুৱাই দিয়াৰ ভাবুকি…
