ইৰাণ আৰু আমেৰিকাৰ মাজত চলি থকা উত্তেজনাৰ বাবে ভাৰতত পেট্ৰ’ল আৰু ডিজেলৰ মূল্য ৩ টকাকৈ বৃদ্ধি পাইছে।
ইৰাণ আৰু আমেৰিকাৰ মাজত চলি থকা সংঘাতৰ প্ৰত্যক্ষ প্ৰভাৱ ভাৰতত এতিয়া দেখিবলৈ পোৱা গৈছে।আজি পুৱাৰ ভাগতে দেশত বৃদ্ধি পালে পেট্ৰ’ল-ডিজেলৰ দাম।প্ৰতি লিটাৰ পেট্ৰ’লত ৩ টকা ১৪ পইচা আৰু প্ৰতিলিটাৰ ডিজেলত ৩ টকা ১১ পইচাকৈ দাম বৃদ্ধি পাইছে। মধ্যপ্ৰাচ্যত যুদ্ধ আৰম্ভ হোৱাৰ পিছত প্ৰথমবাৰৰ বাবে ভাৰতত পেট্ৰ’ল-ডিজেলৰ মূল্য বৃদ্ধি পাইছে।এই বৃদ্ধিৰ লগে লগে গুৱাহাটীত প্ৰতি লিটাৰ পেট্ৰ’লৰ দাম হ’লগৈ ১০১.২৬টকা আৰু প্ৰতি লিটাৰ ডিজেলৰ দাম হ’লগৈ ৯২.৫৫টকা।
শেহতীয়াকৈ প্ৰধানমন্ত্ৰী নৰেন্দ্ৰ মোদীয়ে দেশৰ নাগৰিকক ইন্ধন সংৰক্ষণৰ বাবে আহ্বান জনাইছিল।তেওঁ ৱৰ্ক ফৰ্ম হোম আৰু ব্যক্তিগত বাহনৰ ব্যৱহাৰ হ্ৰাস কৰাত গুৰুত্ব দিছিল।তেতিয়াৰ পৰাই পেট্ৰ’ল আৰু ডিজেলৰ মূল্য বৃদ্ধি হ’ব পাৰে বুলি ইংগিত আহিছিল।
