ৰাষ্ট্ৰসংঘত জয়শংকৰৰ ভাষণৰ প্ৰতিক্ৰিয়া প্ৰকাশ কৰি নিজৰেই জালত পৰিল পাকিস্তান
ৰাষ্ট্ৰসংঘৰ সাধাৰণ পৰিষদৰ বৈঠকৰ সময়ত ভাৰতৰ বৈদেশিক মন্ত্ৰী এছ জয়শংকৰে সন্ত্ৰাসবাদ সন্দৰ্ভত এক বিবৃতিত পাকিস্তানৰ নাম উল্লেখ নকৰাকৈ তীব্ৰ সমালোচনা কৰিছিল । তেওঁৰ বিবৃতিত সন্ত্ৰাসবাদ আৰু ইয়াক আশ্ৰয় দিয়া দেশসমূহৰ কথা উল্লেখ কৰা হৈছিল যদিও কোনো দেশৰ নাম উল্লেখ কৰা হোৱা নাছিল ।
জয়শংকৰে পাকিস্তানক উদঙাই দিয়াৰ পিছত পাকিস্তানী প্ৰতিনিধিয়ে নিজৰ উত্তৰৰ অধিকাৰ প্ৰয়োগ কৰি কয় যে ভাৰতে সন্ত্ৰাসবাদৰ ওপৰত দুৰ্ভাৱনাপূৰ্ণ অভিযোগৰ জৰিয়তে পাকিস্তানক বদনাম কৰাৰ চেষ্টা কৰিছে । উল্লেখ্য যে, জয়শংকৰৰ বক্তব্যত সন্ত্ৰাসবাদৰ কথা উল্লেখ কৰা হৈছিল যদিও পাকিস্তানৰ নাম উল্লেখ কৰা হোৱা নাছিল ।
ইফালে ভাৰতে পাকিস্তানৰ এই প্ৰত্যুত্তৰক দেশখনে সীমা অতিক্ৰম কৰা সন্ত্ৰাসবাদৰ দীৰ্ঘ ইতিহাস স্বীকাৰ কৰা বুলি অভিহিত কৰিছে । ৰাষ্ট্ৰসংঘৰ সাধাৰণ পৰিষদত বৈদেশিক মন্ত্ৰী এছ জয়শংকৰে পাকিস্তানৰ নাম উল্লেখ কৰা নাছিল যদিও দেশখনে সন্ত্ৰাসবাদৰ ওপৰত প্ৰতিক্ৰিয়া প্ৰকাশ কৰে ।
শনিবাৰে ৰাষ্ট্ৰসংঘৰ সাধাৰণ পৰিষদৰ সাধাৰণ বিতৰ্কত ভাষণৰ সময়ত জয়শংকৰে পাকিস্তানৰ নাম উল্লেখ নকৰাকৈয়ে কয় যে, ‘বৃহৎ আন্তঃৰাষ্ট্ৰীয় সন্ত্ৰাসবাদী আক্ৰমণ সেই এখন দেশৰ সৈতে জড়িত । তেওঁ কয় যে ভাৰত স্বাধীনতাৰ পিছৰে পৰা সন্ত্ৰাসবাদৰ প্ৰত্যাহ্বানৰ সন্মুখীন হৈ আহিছে ।‘
পাকিস্তানৰ সঁহাৰিৰ প্ৰতিক্ৰিয়া প্ৰকাশ কৰি ভাৰতে কয় যে ইয়াৰ দ্বাৰা দেখা গৈছে যে এখন চুবুৰীয়া দেশ, যাৰ নাম উল্লেখ কৰা হোৱা নাই, এতিয়াও ইয়াৰ উত্তৰ দিবলৈ বাছি লৈছে আৰু সীমা অতিক্ৰম কৰা সন্ত্ৰাসবাদৰ দীৰ্ঘদিনীয়া কাৰ্যকলাপ স্বীকাৰ কৰিছে ।
লগতে পঢ়ক : ডিচেম্বৰত ভাৰত ভ্ৰমণ কৰিব ৰাষ্ট্ৰপতি পুটিনে; জনালে ৰুছ বিদেশ মন্ত্ৰীয়ে
