নাছাৰ আৰ্টেমিছ দ্বিতীয় অভিযান সফলতাৰে সম্পূৰ্ণ হৈছে। চাৰিওজন মহাকাশচাৰীয়ে ১০ দিনীয়া চন্দ্ৰ যাত্ৰাৰ অন্তত প্ৰশান্ত মহাসাগৰত নিৰাপদে অৱতৰণ কৰে।
চন্দ্ৰ অভিযানত নাছাই বৃহৎ সফলতা লাভ কৰিছে। নাছাৰ আৰ্টেমিছ দ্বিতীয় অভিযানৰ চাৰিজন মহাকাশচাৰী নিৰাপদে পৃথিৱীলৈ উভতি আহিছে।তেওঁলোকৰ কেপচুল ইণ্টেগ্ৰিটিয়ে দক্ষিণ কেলিফৰ্ণিয়াৰ উপকূলৰ ওচৰৰ প্ৰশান্ত মহাসাগৰত অৱতৰণ কৰে। এই অভিযান ১০ দিন ধৰি চলিছিল।
যোৱা ৫০ বছৰত প্ৰথমবাৰৰ বাবে মানুহে চন্দ্ৰৰ ওচৰলৈ যাত্ৰা কৰিছিল।এই যাত্ৰাৰ সময়ত তেওঁলোকে মুঠ ১১.১৬ মিলিয়ন কিলোমিটাৰতকৈও অধিক দূৰত্ব অতিক্ৰম কৰিছিল।এই অভিযান নাছাৰ বৃহত্তৰ পৰিকল্পনাৰ অংশ আছিল,য’ত ভৱিষ্যতে চন্দ্ৰত মানুহ অৱতৰণ কৰা আৰু পৰৱৰ্তী সময়ত মংগল গ্ৰহৰ দিশে আগবাঢ়ি যোৱাটোও অন্তৰ্ভুক্ত।
আৰ্টেমিছ দ্বিতীয় নাছাৰ প্ৰথম ক্ৰুযুক্ত পৰীক্ষামূলক বিমান আছিল,য’ত চাৰিজন মহাকাশচাৰী আছিল।১ এপ্ৰিলত ফ্ল’ৰিডাৰ কেপ কানাভেৰালৰ পৰা এছ এল এছ ৰকেটত উৎক্ষেপণ কৰিছিল।এই অভিযানৰ সময়ত পৃথিৱীৰ চাৰিওফালে দুটা কক্ষপথ সম্পূৰ্ণ কৰাৰ পিছত ই চন্দ্ৰৰ অতি ওচৰ চাপি গৈ চন্দ্ৰক প্ৰদক্ষিণ কৰিছিল। চন্দ্ৰৰ দূৰৈৰ ফালৰ অংশ অর্থাৎ ডাৰ্ক ফালৰ ওচৰৰ পৰা পাৰ হৈ তেওঁলোকে পৃথিৱীৰ পৰা সৰ্বোচ্চ দূৰত্বত উপনীত হ’ল।তেওঁলোকৰ সৰ্বোচ্চ দূৰত্ব আছিল ৪০৬,৭৭১ কিলোমিটাৰ, যিয়ে এপ’ল’ ১৩-এ পূৰ্বৰ অভিলেখ অতিক্ৰম কৰিছিল।
এই মিছনে আৰ্টেমিছ কাৰ্যসূচীক শক্তিশালী কৰি তুলিছিল।আৰ্টেমিছৰ লক্ষ্য হৈছে ২০২৮ চনৰ ভিতৰত চন্দ্ৰত মানুহক অৱতৰণ কৰা।তাত দীৰ্ঘসময় ধৰি থকাৰ ব্যৱস্থা কৰা হৈছে।এপ’ল’ অভিযানৰ পিছত ১৯৭২ চনত মানুহে শেষবাৰৰ বাবে চন্দ্ৰত অৱতৰণ কৰিছিল।
লগতে পঢ়ক: ইতিহাস সৃষ্টিলৈ আৰু এটা খোজ… সফলতাৰে সম্পন্ন গগণযানৰ দ্বিতীয়টো এয়াৰ ড্ৰপ টেষ্ট
