মঙলবাৰে পুৱা গুৱাহাটী আৰু ইয়াৰ আশে-পাশে থকা অঞ্চলত এক শক্তিশালী ভূমিকম্পৰ জোকাৰণি অনুভূত হয়
মঙলবাৰে পুৱাই ভূমিকম্পই কঁপালে ৰাজ্য । প্ৰতিকূল বতৰৰ মাজতে পুৱাই অনুভূত হোৱা কম্পনে আতংকৰ সৃষ্টি কৰে । মঙলবাৰে পুৱা গুৱাহাটী আৰু ইয়াৰ আশে-পাশে থকা অঞ্চলত এক শক্তিশালী ভূমিকম্পৰ জোকাৰণি অনুভূত হয় । অৱশ্যে এই ভূমিকম্পত বৰ্তমানলৈকে কোনো ধৰণৰ ক্ষয়-ক্ষতিৰ খবৰ পোৱা হোৱা নাই যদিও কৰ্তৃপক্ষই সতৰ্কতা অৱলম্বন কৰিছে ।
নেচনেল চেণ্টাৰ ফৰ চিচম’লজী-ৰ প্ৰতিবেদন অনুসৰি, পুৱা ০৫:৫৯:৩৩ বজাত সংঘটিত হোৱা এই ভূমিকম্পৰ অভিকেন্দ্ৰ আছিল মণিপুৰৰ কামজং জিলা । ৬২ কিলোমিটাৰ গভীৰতাত উৎপত্তি হোৱা এই ভূমিকম্পটো মধ্যমীয়া গভীৰতাৰ এক ভূ-তাত্ত্বিক পৰিঘটনা আছিল । ৰিখটাৰ স্কেলত এই ভূমিকম্পৰ প্ৰাবল্য আছিল ৫.২ ।
অসমৰ লগতে মেঘালয় আৰু নাগালেণ্ডকো এই ভূমিকম্পই কঁপাই যায় ।
লগতে পঢ়ক : প্ৰলয়ংকৰী ভূমিকম্পৰ পিছতেই চুনামীৰ এলাৰ্ট জাৰি
