মণিপুৰ বিজেপিৰ সকলো বিধায়কৰ লগতে এন ডি এৰ মিত্ৰ বিধায়কক জৰুৰী আলোচনাৰ বাবে দিল্লীলৈ জৰুৰী তলব । বহু বিধায়ক ১ ফেব্ৰুৱাৰীতে দিল্লী বুলি ৰাওনা হোৱাৰ কথা ।
বিজেপি হাইকমাণ্ডে মণিপুৰ দলৰ সকলো বিধায়কৰ লগতে এন ডি এৰ মিত্ৰ বিধায়কক জৰুৰী আলোচনাৰ বাবে দিল্লীলৈ মাতি অনাৰ ফলত ৰাজ্যখনত নতুন ৰাজনৈতিক জল্পনা-কল্পনাৰ সৃষ্টি হৈছে । যোৱা ৩১ জানুৱাৰীত জাৰি কৰা এই নিৰ্দেশনাত ২ ফেব্ৰুৱাৰীৰ বিয়লি ২ বজাৰ পূৰ্বে ৰাষ্ট্ৰীয় ৰাজধানীত উপস্থিত থাকিবলৈ সকলো বিধায়কক কোৱা হৈছে । আনহাতে বহু বিধায়ক ১ ফেব্ৰুৱাৰীতে দিল্লী বুলি ৰাওনা হোৱাৰ কথা ।
মণিপুৰত ৰাষ্ট্ৰপতিৰ শাসনৰ আৰু ২০২৫ চনৰ ফেব্ৰুৱাৰী মাহৰ পৰা বিধানসভাৰ কাম-কাজ স্থগিত ৰখাৰ সময়তে এই পদক্ষেপ গ্ৰহণ কৰা হৈছে । ১২ ফেব্ৰুৱাৰীত ৰাষ্ট্ৰপতিৰ শাসনৰ প্ৰথম বছৰ সম্পূৰ্ণ হোৱাৰ সময় কাষ চাপি অহাৰ লগে লগে বৈঠকৰ সময়ে সম্ভাৱ্য ৰাজনৈতিক পুনৰ গঠন, শাসনৰ সিদ্ধান্ আৰু ৰাজ্যখনৰ ভৱিষ্যতৰ ৰোডমেপক লৈ প্ৰশ্ন উত্থাপন কৰিছে ।
যদিও বিজেপিৰ কেন্দ্ৰীয় নেতৃত্বই আনুষ্ঠানিকভাৱে বৈঠকৰ কাৰ্যসূচী প্ৰকাশ কৰা নাই, তথাপিও এই আহ্বানে সম্ভাৱ্য ৰাজনৈতিক পুনৰ গঠন, শাসনৰ সিদ্ধান্ত আৰু ৰাজ্যৰ ভৱিষ্যতৰ ৰোডমেপৰ বিষয়ে জল্পনা-কল্পনাত ইন্ধন যোগাইছে । জানিব পৰা মতে, বিজেপিৰ ৰাজ্যিক সভাপতি এ শাৰদা দেৱীৰ জৰিয়তে এই বাৰ্তা প্ৰেৰণ কৰাৰ বিপৰীতে বিজেপিৰ উত্তৰ-পূবৰ সমন্বয়ক সম্বিত পাত্ৰই ব্যক্তিগতভাৱে বিধায়কসকলৰ সৈতে যোগাযোগ কৰি ২ ফেব্ৰুৱাৰীৰ বিয়লি ২ বজাৰ ভিতৰত দিল্লীত উপস্থিত হ’বলৈ নিৰ্দেশ দিয়ে ।
ইফালে মণিপুৰত দীৰ্ঘদিনীয়া প্ৰশাসনিক আৰু ৰাজনৈতিক অনিশ্চয়তাৰ পৰিপ্ৰেক্ষিতত এই আলোচনাৰ সময় অতি গুৰুত্বপূৰ্ণ বুলি চৰ্চা চলিছে । ৰাজ্যখনক প্ৰভাৱিত কৰা গুৰুত্বপূৰ্ণ সিদ্ধান্তসমূহৰ ওপৰত আলোচনা হ’ব পাৰে বুলি আশা কৰি বিধায়ক আৰু দলৰ বিষয়ববীয়াসকলে দিল্লীৰ পৰিঘটনাসমূহ তীক্ষ্ণভাৱে নিৰীক্ষণ কৰি আছে ।
লগতে পঢ়ক : কেন্দ্ৰীয় বাজেটক ‘সংস্কাৰমুখী’ আখ্যা মুখ্যমন্ত্ৰী ড০ হিমন্ত বিশ্ব শৰ্মাৰ
