ৰাছিয়াৰ ৰাষ্ট্ৰপতি ভ্লাদিমিৰ পুটিনে ইৰাণৰ সৰ্বোচ্চ নেতা আয়াতুল্লাহ আলী খেমেইনীৰ মৃত্যুক লৈ শোক প্ৰকাশ কৰিছে। তেওঁ কয় খেমেইনীৰ হত্যাকাণ্ড মানৱ নৈতিকতা আৰু আন্তঃৰাষ্ট্ৰীয় আইন উলংঘা কৰা হৈছে।
ইজৰাইল আৰু আমেৰিকাৰ আক্ৰমণত ইৰাণৰ সৰ্বোচ্চ নেতা আয়াতুল্লাহ আলী খেমেইনীৰ মৃত্যুক লৈ ৰাছিয়াৰ ৰাষ্ট্ৰপতি ভ্লাদিমিৰ পুটিনৰ প্ৰথম প্ৰতিক্ৰিয়া প্ৰকাশ পাইছে।খেমেইনীৰ মৃত্যুত পুটিনে শোক প্ৰকাশ কৰিছে।
ক্ৰেমলিনৰ মুখপাত্ৰ দিমিত্ৰী পেস্কোভে কয় যে ৰাছিয়াৰ ৰাষ্ট্ৰপতি ভ্লাদিমিৰ পুটিনে ইৰাণৰ সৰ্বোচ্চ নেতা আয়াতুল্লাহ আলী খেমেইনী আৰু তেওঁৰ পৰিয়ালৰ সদস্যৰ হত্যাক লৈ ইৰাণৰ ৰাষ্ট্ৰপতি মাছুদ পেজেছকিয়ানক গভীৰ শোক প্ৰকাশ কৰিছে।
পুটিনে কয় যে মানৱ নৈতিকতা আৰু আন্তঃৰাষ্ট্ৰীয় আইনক স্পষ্টভাৱে অৱজ্ঞা কৰি হত্যাকাণ্ড সংঘটিত কৰা হৈছে।তেওঁ কয় যে খেমেইনীক ৰাছিয়াত এজন অসাধাৰণ ৰাষ্ট্ৰনেতা হিচাপে স্মৰণ কৰা হ’ব,ৰাছিয়া আৰু ইৰাণৰ মাজত বন্ধুত্বপূৰ্ণ সম্পৰ্ক শক্তিশালী কৰাত যিয়ে উল্লেখযোগ্য অৱদান আগবঢ়াইছিল।
ইয়াৰ লগতে পুটিনে পেজেছকিয়ানক খেমেইনীৰ আত্মীয়ৰ সৈতে আৰু আপোনজনৰ লগতে ইৰাণ চৰকাৰ আৰু লগতে তেওঁ ইৰাণবাসীক আন্তৰিক সমবেদনা আৰু সমৰ্থন প্ৰকাশ কৰিবলৈ অনুৰোধ জনাইছে।
লগতে পঢ়ক: মধ্যপ্ৰাচ্যৰ উত্তেজনাক লৈ কাশ্মীৰত প্ৰতিবাদ, ৰাজপথলৈ ওলাই আহিল ছিয়া মুছলমান
