কৃষক আন্দোলনক লৈ মন্তব্য দি বিপদত কংগনা ৰানাৱট
ৰাজীৱ গান্ধী উকীল সন্থাৰ সভাপতি অধিবক্তা ৰামাশংকৰ শৰ্মাই বুধবাৰে কয় যে কৃষক আৰু স্বাধীনতা সংগ্ৰামীৰ বিৰুদ্ধে আপত্তিজনক মন্তব্যক লৈ বিজেপি সাংসদ তথা অভিনেত্ৰী কংগনা ৰানাৱতৰ বিৰুদ্ধে তেওঁৰ আবেদনৰ শুনানি এতিয়া পুনৰ আৰম্ভ হৈছে।
তেওঁ পুনৰীক্ষণ আৱেদন দাখিল কৰাৰ পিছত পুনৰ গোচৰটো মুকলি কৰা হৈছে। অৰ্থাৎ অভিনেত্ৰীগৰাকীৰ বিৰুদ্ধে দেশদ্ৰোহৰ গোচৰত বিচাৰ হ’ব।
অধিবক্তা ৰামাশংকৰ শৰ্মাই কয় যে, তেওঁ ২০২৪ চনৰ ১১ ছেপ্টেম্বৰত আগ্ৰাৰ স্থানীয় আদালতত এই আবেদন দাখিল কৰিছিল।
এই আবেদনত তেওঁ অভিযোগ কৰিছিল যে কংগনা ৰানাৱটে এনে এটা পোষ্ট ছ’চিয়েল মিডিয়াত শ্বেয়াৰ কৰিছিল, য’ত কৃষক সমাজক অপমান কৰা হৈছিল আৰু মহাত্মা গান্ধীকে ধৰি স্বাধীনতা সংগ্ৰামীৰ বিৰুদ্ধে বিদ্ৰোহী মন্তব্য কৰিছিল।
শৰ্মাৰ মতে, আদালতৰ পৰা কেইবাবাৰো জাননী দিয়াৰ পিছতো অভিনেত্ৰী গৰাকী বা তেওঁৰ প্ৰতিনিধিৰ পৰা কোনো সঁহাৰি পোৱা নগ’ল।
অধিবক্তা গৰাকীয়ে কয় যে,’অভিনেত্ৰী গৰাকীয়ে হৈ কোনো উত্তৰ বা আইনী ব্যৱস্থা দাখিল কৰা হোৱা নাছিল, যাৰ বাবে আদালতে গোচৰটো বন্ধ কৰি দিছিল।
কিন্তু মই এই সন্দৰ্ভত পুনৰীক্ষণ আবেদন দাখিল কৰিলোঁ, যিখন এতিয়া আদালতে গ্ৰহণ কৰিছে আৰু শুনানি পুনৰ আৰম্ভ হৈছে।’
তেওঁ আৰু কয়,’আদালতে নতুন শুনানিৰ বাবে তালিকাভুক্ত কৰিছে।মই আশা কৰিছো যে নিশ্চিতভাৱে ন্যায় পোৱা যাব।’
লগতে পঢ়ক; ধৰ্মেন্দ্ৰৰ ঘৰৰ বাহিৰত পাপাৰাজ্জীৰ ভিৰ; ছানী দেওলৰ ধমক
