হায়দৰাবাদ-বেংগালুৰু ঘাইপথত ভয়ংকৰ দুৰ্ঘটনা
কুৰনুল জিলাৰ কল্লুৰ মণ্ডলৰ চিন্নাটেকুৰ অঞ্চলত শুকুৰবাৰে পুৱা এক শোকাৱহ ঘটনা সংঘটিত হয়।হঠাৎ দাউ দাউ কৈ জ্বলি উঠিল হায়দৰাবাদৰ পৰা বেংগালুৰুলৈ যোৱা কাবেৰী ট্ৰেভেলছৰ এখন বাছ।
দুৰ্ঘটনাটো ইমানেই ভয়ংকৰ আছিল যে মিনিটৰ ভিতৰতে গোটেই বাছখন ছাইলৈ পৰিণত হৈছিল।বৰ্তমানলৈকে এই দুৰ্ঘটনাত ১১ জন লোকৰ মৃত্যু হৈছে।আন বহু লোকো গুৰুতৰভাৱে অগ্নিদগ্ধ হৈছে।
প্ৰাথমিক তথ্য অনুসৰি,ৰাষ্ট্ৰীয় ঘাইপথটোত এখন দুচকীয়া বাহনৰ সৈতে মুখামুখি সংঘৰ্ষৰ পিছতে বাছখনত অগ্নিকাণ্ড সংঘটিত হয়।দুৰ্ঘটনাৰ সময়ত বাছখনত ২৪ জনতকৈও অধিক যাত্ৰী আছিল।
চৰকাৰী সূত্ৰ অনুসৰি,দুৰ্ঘটনাত বহু লোকৰ মৃত্যু হোৱাৰ বিপৰীতে প্ৰায় ১২ জনতকৈ অধিক যাত্ৰী জৰুৰীকালীন প্ৰস্থানৰ মাজেৰে ওলাই আহিবলৈ সক্ষম হয়।
ঘটনাৰ খবৰ পোৱাৰ লগে লগে আৰক্ষী আৰু উদ্ধাৰকাৰী দল উপস্থিত হৈ আহত সকলোকক চিকিৎসালয়ত ভৰ্তি কৰে।
অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডুৱে ছ’চিয়েল মিডিয়া প্লেটফৰ্ম এক্সত এই দুৰ্ঘটনাত লৈ এক পোষ্টযোগে শোক প্ৰকাশ কৰে।
লগতে পঢ়ক: মাজ আকাশতে ইণ্ডিগো বিমানত অঘটন; বাৰাণসীত জৰুৰী অৱতৰণ
