ভাৰতৰ বিলিয়নাৰ ব্যক্তিৰ তালিকাত প্ৰথমবাৰলৈ অন্তৰ্ভূক্ত শ্বাহৰুখ খান; ১ নম্বৰত মুকেশ আম্বানী

ভাৰতৰ বিলিয়নাৰ ব্যক্তিৰ তালিকাত প্ৰথমবাৰলৈ অন্তৰ্ভূক্ত শ্বাহৰুখ খান

ভাৰত এতিয়া বিলিয়নাৰৰ নতুন কেন্দ্ৰলৈ পৰিণত হৈছে, আৰু দেশত ধনী ব্যক্তিৰ সংখ্যা বছৰৰ পিছত বছৰ ধৰি দ্ৰুতগতিত বৃদ্ধি পাইছে।

M3M Hurun India Rich List 2025 মুকলি কৰা হৈছে আৰু ইয়াৰ মতে ভাৰতত বিলিয়নাৰ লোকৰ সংখ্যা ৩৫০ জনতকৈও অধিক হৈছে।

একে সময়তে ধনী লোকৰ ৰেংকিঙত পুনৰ মুকেশ আম্বানীয়ে আধিপত্য বিস্তাৰ কৰিছে আৰু এইবাৰো তেওঁ ১ নম্বৰ স্থান দখল কৰিছে।বিশেষ কথাটো হ’ল বলীউডৰ কিং খান শ্বাহৰুখ খানে প্ৰথমবাৰৰ বাবে বিলিয়নাৰ ক্লাবত যোগদান কৰিছে।

এই তালিকা অনুসৰি ৰিলায়েন্স ইণ্ডাষ্ট্ৰীজৰ অধ্যক্ষ মুকেশ আম্বানী আৰু তেওঁৰ পৰিয়ালৰ মুঠ সম্পত্তিৰ পৰিমাণ ৯.৫৫ লাখ কোটি টকা আৰু সম্পত্তিৰ পৰিসংখ্যাৰ সৈতে তেওঁ পুনৰবাৰ ভাৰতৰ আটাইতকৈ ধনী ব্যক্তিৰ খিতাপ অৰ্জন কৰিছে।

ইফালে ধনৰ ক্ষেত্ৰত ৮.১৫ লাখ কোটি টকাৰ সম্পত্তিৰে দ্বিতীয় স্থানত আছে গৌতম আদানী আৰু পৰিয়াল।

ইফালে বিশ্বৰ কোটিপতি হোৱা প্ৰথমজন অভিনেতা হিচাপে পৰিগণিত হৈছে শ্বাহৰুখ খান। বলীউডৰ বাদশ্বাহ খ্যাত শ্বাহৰুখ খান ১২ হাজাৰ ৪শ ৯০ কোটি টকাৰ মালিক হৈ পৰিছে।

লগতে পঢ়ক: ট্ৰাম্পৰ পৰিকল্পনাক আদৰণি প্ৰধানমন্ত্ৰী মোদীৰ; ক’লে- পশ্চিম এছিয়াত প্ৰশস্ত হ’ব শান্তিৰ পথ