নাইট ক্লাৱ নে মৰিশালী ? মিউজিক,নৃত্য আৰু বিধ্বংসী অগ্নিকাণ্ড। গোৱাৰ নাইট ক্লাৱ ট্ৰেজেডী
গভীৰ নিশালৈকে যি স্থানত সংগীত আৰু আনন্দৰ পৰিৱেশ আছিল,সেই স্থানেই মুহূৰ্ততে হৈ পৰিছিল মৰিশালী।গোৱাৰ ৰাজধানী পানাজীৰ পৰা ২৫ কিলোমিটাৰ নিলগত অৰপোৰাত অৱস্থিত বৰ্চ বয় ৰোমিঅ’ লেন নাইট ক্লাৱত শনিবাৰে নিশা বেলি ডান্স উপভোগ কৰিবৰ বাবে প্ৰায় এশজন লোক গোট খাইছিল।
কিন্তু হঠাৎ চিলিণ্ডাৰ বিস্ফোৰণ আৰু দাউ দাউ কৈ জ্বলি উঠিল নাইট ক্লাৱটো। নিমিষতে জুইৰ লেলিহান শিখাই আগুৰি ধৰে ক্লাৱটো। অগ্নিকাণ্ডটোৰ ফলত জীৱন্তে অগ্নিদগ্ধ হৈ ২৫ জন লোকৰ মৃত্যু হয়।
অগ্নিনিৰ্বাপক বাহিনীৰ এগৰাকী বিষয়াই জনোৱা মতে, তলৰ মহলাত মানুহ আবদ্ধ হৈ পৰিছিল যাৰ বাবে বেছিভাগেই শ্বাসৰুদ্ধকৰ ফলত মৃত্যুমুখত পৰিছিল।
প্ৰাথমিক তদন্তত প্ৰকাশ পাইছে যে প্ৰথম মহলাত অগ্নিকাণ্ড সংঘটিত হয়। কিন্তু ভিৰ আৰু নাইট ক্লাৱটোৰ সৰু দুৱাৰৰ বাবে তাত থকা লোক সকল ওলাই যাব নোৱাৰিলে। জুই ইমানেই ভয়ংকৰ আছিল যে চাৰিওফালে ক’লা ধোৱা দেখিবলৈ পোৱা গৈছিল।
দুৰ্ঘটনাটোৰ তথ্য লাভ কৰাৰ লগে লগে অগ্নিনিৰ্বাপক বাহিনীৰ দল ঘটনাস্থলীত উপস্থিত হৈ উদ্ধাৰ অভিযান আৰম্ভ কৰে।কেইবা ঘণ্টীয়া চেষ্টাৰ অন্তত নিয়ন্ত্ৰণলৈ অনা হয় জুই।
জানিব পৰা মতে ‘বৰ্চ বাই ৰোমিঅ’ লেন’ নাইট ক্লাবটো অবৈধভাৱে চলাই আছিল। আৰু ক্লাবটোত প্ৰয়োজনীয় নিৰাপত্তাৰ ব্যৱস্থাৰ অভাৱ আছিল।এই অগ্নিকাণ্ডত অসমৰ ৩জন নিহত হয়।
লগতে পঢ়ক: নাইট ক্লাবত বিধ্বংসী অগ্নিকাণ্ড; পৰ্যটকসহ ২৫জনৰ মৃত্যু
