ভাৰত ভ্ৰমণক স্মৰণীয় আখ্যা দি দেশলৈ উভতিল ফ্ৰান্সৰ ৰাষ্ট্ৰপতি ইমানুৱেল মেক্ৰন । সামাজিক মাধ্যমত শ্বেয়াৰ কৰিলে বিশেষ ভিডিঅ’ ।
ফ্ৰান্সৰ ৰাষ্ট্ৰপতি ইমানুৱেল মেক্ৰনে তেওঁৰ ভ্ৰমণৰ সামৰণিত ভাৰতলৈ ধন্যবাদ বাৰ্তা প্ৰেৰণ কৰে । এই ভ্ৰমণৰ সময়ত তেওঁ ইণ্ডিয়া এআই ইমপেক্ট ছামিটত অংশগ্ৰহণ কৰে । এক্সৰ এটা পোষ্টত মেক্ৰনে ভাৰতৰ আটাইতকৈ স্মৰণীয় মুহূৰ্তৰ এটা ভিডিঅ’ শ্বেয়াৰ কৰি ভ্ৰমণৰ সময়ত তেওঁ পোৱা উষ্ম আদৰণিৰ বাবে শলাগ লৈ লিখিছে, “ধন্যবাদ ভাৰত !”
ভ্ৰমণৰ অন্তিম দিনটোত মেক্ৰনে এআই শীৰ্ষ সন্মিলনত গুগলৰ চিইঅ’ সুন্দৰ পিচাইৰ সৈতে আলোচনাত বহে । এক্সৰ এটা পোষ্টত মেক্ৰনে কয়, “আমাৰ ডিজিটেল প্ৰত্যাহ্বানৰ সমাধান গুগলৰ ভিতৰত গঢ়ি তুলিব নোৱাৰি, কিন্তু গুগল আৰু সকলো অংশীদাৰৰ সৈতে একেলগে গঢ়ি তুলিব পাৰি । দিল্লী এআই শীৰ্ষ সন্মিলনত সুন্দৰ পিচাইৰ সৈতে আমি ফ্ৰান্সৰ জি-৭ৰ অধ্যক্ষতাৰ অগ্ৰাধিকাৰৰ বিষয়ে আলোচনা কৰিলোঁ আৰু মই বাৰ্তাটো আগবঢ়াই দিলোঁ ।”
মেটাৰ মুখ্য এআই বিষয়া আলেকজেণ্ডাৰ ৱাঙৰ সৈতেও মেক্ৰনে আলোচনা কৰে । এক্সত দিয়া এটা পোষ্টত তেওঁ কয় যে দিল্লী এআই শীৰ্ষ সন্মিলনত মেটাৰ আলেকজেণ্ডাৰ ৱাঙৰ সৈতে গঠনমূলক আলোচনা হৈছিল । আমি ফ্ৰান্সে কি দিব পাৰে সেই বিষয়ে আলোচনা কৰিছিলো : প্ৰতিভা, গৱেষণা, আৰু ডাটা চেণ্টাৰ ।
লগতে পঢ়ক : প্ৰধানমন্ত্ৰী মোদীয়ে জনালে ৰমজানৰ শুভেচ্ছা, দিলে সামাজিক ঐক্যৰ বাৰ্তা
