নিৰ্বাচন আয়োগে প্ৰকাশ কৰে ৰাজ্যৰ খচৰা ভোটাৰ তালিকা । নিৰ্বাচনী তালিকাৰ বিশেষ পুনৰীক্ষণ (SR)ৰ পিছত শনিবাৰে অসমৰ খচৰা ভোটাৰ তালিকা প্ৰকাশ কৰে নিৰ্বাচন আয়োগে ।
অসম বিধানসভা নিৰ্বাচনলৈ মাত্ৰ আৰু কেইটামান মাহ । ইতিমধ্যেই ৰাজ্যত বলিছে নিৰ্বাচনী ঢৌ । ইয়াৰে আগজাননী দি শনিবাৰে নিৰ্বাচন আয়োগে প্ৰকাশ কৰে ৰাজ্যৰ খচৰা ভোটাৰ তালিকা । নিৰ্বাচনী তালিকাৰ বিশেষ পুনৰীক্ষণ (SR)ৰ পিছত শনিবাৰে (২৭ ডিচেম্বৰ, ২০২৫) অসমৰ খচৰা ভোটাৰ তালিকা প্ৰকাশ কৰে নিৰ্বাচন আয়োগে । প্ৰকাশিত এই তালিকাত কৰ্তন হৈছে ৮.৮ লাখ মৃত ভোটাৰৰ নাম ।
শনিবাৰে (২৭ ডিচেম্বৰ) নিৰ্বাচন আয়োগে প্ৰকাশ কৰা সংহত খচৰা তালিকা অনুসৰি অসমত মুঠ ভোটাৰৰ সংখ্যা ২ কোটি ৫১ লাখ ৯,৭৫৪ গৰাকী । এই তালিকাত ৯৩,০২১ জন ডি ভোটাৰ বা সন্দেহযুক্ত ভোটাৰ অন্তৰ্ভুক্ত নহয় । ইয়াৰ উপৰিও মৃত্যু, বিভিন্ন ঠিকনা, বা একাধিক প্ৰৱেশৰ বাবে ৪ লাখ ৭৮ হাজাৰ ৯৯২ গৰাকী মৃত ভোটাৰৰ নাম তালিকাৰ পৰা আঁতৰোৱা হৈছে ।
২২ নৱেম্বৰৰ পৰা ২০ ডিচেম্বৰলৈ চলা বিশেষ পুনৰীক্ষণৰ পিছত খচৰা তালিকা প্ৰকাশ-
২০২৫ চনৰ ২২ নৱেম্বৰৰ পৰা ২০ ডিচেম্বৰলৈকে ঘৰে ঘৰে পৰীক্ষণৰ অন্তত নিৰ্বাচন আয়োগে অসমত ভোটাৰ তালিকাৰ খচৰা প্ৰকাশ কৰিছে । ৰাজ্যৰ ভোটাৰসকলে এতিয়া ২০২৬ চনৰ ২২ জানুৱাৰীলৈকে দাবী আৰু আপত্তি দাখিল কৰিব পাৰিব, আনহাতে ২০২৬ চনৰ ১০ ফেব্ৰুৱাৰীত চূড়ান্ত ভোটাৰ তালিকা প্ৰকাশ পাব ।
অসমৰ বাবে নিৰ্বাচন আয়োগে প্ৰকাশ কৰিলে খচৰা ভোটাৰ তালিকা-
নিৰ্বাচন আয়োগৰ তথ্য অনুসৰি অসমৰ ভোটাৰ তালিকাৰ পৰা মুঠ ১০.৫৬ লাখ ভোটাৰক আঁতৰোৱা হৈছে, ইয়াৰে-
৪৭৮,৯৯২ জনৰ মৃত্যুৰ কাৰণ আছিল,
ভোটাৰ বদলিৰ বাবে আছিল ৫২৩,৬৮০,
৫৩,৬১৯টা নাম একাধিক প্ৰৱেশ আৰু সংশোধনৰ বাবে চিহ্নিত কৰা হৈছিল ।
এই পৰীক্ষণ প্ৰক্ৰিয়াই সমগ্ৰ ৰাজ্যৰ ৬,১০৩,১০৩টা পৰিয়ালক সামৰি লৈছিল । ৩৫ জন জিলা নিৰ্বাচনী বিষয়া (ডি ই অ’), ১২৬ জন নিৰ্বাচনী পঞ্জীয়ন বিষয়া (ই আৰ অ’), ১,২৬০ জন এ ই আৰ অ’, ২৯,৬৫৬ জন বুথ স্তৰৰ বিষয়া (বি এল অ’), আৰু ২,৫৭৮ জন বি এল অ’ তত্বাৱধায়ক জড়িত আছিল, আনহাতে ৰাজনৈতিক দলসমূহে প্ৰক্ৰিয়াটোত সহায় আৰু নিৰীক্ষণৰ বাবে ৬১,৫৩৩ জন বুথ পৰ্যায়ৰ এজেণ্ট (বি এল এ) নিয়োগ কৰিছিল ।
লগতে পঢ়ক : সভ্যতাৰ যুঁজত আমাক ভিতৰৰ পৰা দুৰ্বল কৰাৰ চেষ্টা… বিজেপিৰ কাৰ্যনিৰ্বাহকত মুখ্যমন্ত্ৰী হিমন্ত বিশ্ব শৰ্মা
