NEET-UG পুনৰ পৰীক্ষাৰ পূৰ্বে চৰকাৰে টেলিগ্ৰামৰ ওপৰত আৰোপ কৰা সাময়িক নিষেধাজ্ঞা ২২ জুনলৈ বাহাল থাকিব । চৰকাৰৰ এই সিদ্ধান্তক প্ৰত্যাহ্বান জনাই দিল্লী উচ্চ ন্যায়ালয়ত কৰা এক আহেদন খাৰিজ কৰে আদালতে ।
NEET-UGক লৈ চলি থকা বিতৰ্কৰ মাজতে দিল্লী উচ্চ ন্যায়ালয়ে টেলিগ্ৰাম এপত চৰকাৰে সাময়িকভাৱে আৰোপ কৰা নিষেধাজ্ঞা বতিলৰ বাবে দাখিল কৰা আবেদন খাৰিজ কৰিছে । পুনৰ অনুষ্ঠিত হ’ব লগা NEET-UG পৰীক্ষাৰ পূৰ্বে টেলিগ্ৰাম এপ প্লেটফৰ্মত ২২ জুনলৈ সাময়িকভাৱে নিষেধাজ্ঞা আৰোপ কৰাৰ চৰকাৰে লোৱা সিদ্ধান্তক দিল্লী উচ্চ ন্যায়ালয়ত প্ৰত্যাহ্বান জনাইছিল । শুকুৰবাৰে এই আবেদন ন্যায়ালয়ে খাৰিজ কৰে । ন্যায়ধীশ তেজস কাৰিয়াৰৰ এজনীয়া বিচাৰপীঠে এই ৰায়দান কৰিছে ।
আবেদনখন খাৰিজ কৰি আদালতে চৰকাৰৰ সিদ্ধান্তক যুক্তিসংগত বুলি কয় । উল্লেখ্য যে, বিগত ৩ মে’ত দেশজুৰি অনুষ্ঠিত হোৱা NEET-UG পৰীক্ষাত প্ৰশ্নকাকত ফাদিলৰ ঘটনা পোহৰলৈ আহিছিল । ইয়াৰ পিছতে সমগ্ৰ দেশতে এক হুলস্থূলীয়া পৰিৱেশৰ সৃষ্টি হয় আৰু এই পৰীক্ষা অনুষ্ঠিত কৰা ৰাষ্ট্ৰীয় পৰীক্ষা সংস্থাৰ লগতে শিক্ষা মন্ত্ৰী ধৰ্মেন্দ্ৰ প্ৰধান তীব্ৰ ক্ষোভৰ সন্মুখীন হ’ব লগা হয় । ইয়াৰ পিছতে চৰকাৰে তদন্তৰ ঘোষমা কৰি ৩ মে’ৰ পৰীক্ষা বাতিল কৰে ।
এতিয়া ২১ জুনত পুনৰ অনুষ্ঠিত হ’ব NEET-UG পৰীক্ষা । গতিকে পূৰ্বৰ ঘটনাৰ যাতে পুনৰাবৃত্তি নঘটে তাৰ বাবে চৰকাৰে কঠোৰ পদক্ষেপ গ্ৰহণ কৰিছে । সেয়েহে চৰকাৰে বিপদৰ সম্ভাৱনালৈ লক্ষ্য ৰাখি ২২ জুনলৈকে টেলিগ্ৰামৰ ওপৰত সাময়িক নিষেধাজ্ঞা আৰোপ কৰিছে ।
বৃহস্পতিবাৰে শুনানিৰ সময়ত কেন্দ্ৰৰ হৈ ছলিচিটৰ জেনেৰেল তুষাৰ মেহতাই এপটোক লৈ সেই সকলোবোৰ কাৰিকৰী দিশ আদালতৰ সন্মুখত দাঙি ধৰে, যাৰ বাবে পৰীক্ষাৰ পূৰ্বে দুষ্ট চক্ৰই এপটোৰ অপব্যৱহাৰ কৰাৰ সম্ভাৱনা আছে । অৱশ্যে আদালতে চৰকাৰৰ সিদ্ধান্তৰ ওপৰতো প্ৰশ্ন উত্থাপন কৰে ।
চৰকাৰৰ এই সিদ্ধান্তৰ সন্দৰ্ভত টেলিগ্ৰামে তেওঁলোকক লক্ষ্য কৰি লোৱা হৈছে বুলি কয় আৰু বাকী এপসমূহৰ ওপৰত কোনো নিষেধাজ্ঞা আৰোপ কৰা হোৱা নাই, সেইবোৰ এতিয়াও ব্যৱহাৰ কৰা হৈছে বুলি প্ৰশ্ন উত্থছাপন কৰে । টেলিগ্ৰামে চৰকাৰৰ এই সিদ্ধান্তক সংবিধানৰ অনুচ্ছেদ ১৪ৰ উলংঘন বুলি অভিহিত কৰিছে ।
লগতে পঢ়ক : ভাৰতত নিষিদ্ধ হ’ল টেলিগ্ৰাম! কেন্দ্ৰীয় চৰকাৰৰ ডাঙৰ সিদ্ধান্ত
