সাগৰত চীনৰ ব্ৰহ্মাস্ত্ৰ
সাগৰীয় ব্যাপক পৰীক্ষাৰ অন্তত চীনে আনুষ্ঠানিকভাৱে নিজৰ শেহতীয়া বিমানবাহী জাহাজ বহৰত অন্তৰ্ভূক্ত কৰিছে।
বিশেষজ্ঞসকলে কয় যে,এই নতুন জাহাজে বিশ্বৰ সৰ্ববৃহৎ নৌসেনাক সামুদ্ৰিক সীমাৰ বাহিৰলৈ শক্তি বৃদ্ধি কৰাত সহায় কৰিব।এই বিমানবাহী জাহাজে চীনৰ নৌসেনাৰ শক্তি বহু পৰিমাণে বৃদ্ধি কৰিব।
শুকুৰবাৰে ৰাজ্যিক সংবাদ সংস্থা ছিনহুয়াই প্ৰকাশ কৰা অনুসৰি ফুজিয়ান নামৰ বিমানবাহী জাহাজখন বুধবাৰে হাইনান দ্বীপৰ ছানয়া বন্দৰত এটা অনুষ্ঠানত সেৱাত অন্তৰ্ভুক্ত কৰা হয়, য’ত চীনৰ শীৰ্ষ নেতা ছি জিনপিঙে অংশগ্ৰহণ কৰিছিল।
ফুজিয়ান হৈছে চীনৰ তৃতীয়খন বিমানবাহী জাহাজ আৰু চীনে নিজেই সম্পূৰ্ণৰূপে ডিজাইন আৰু নিৰ্মাণ কৰা প্ৰথমখন জাহাজ।
এই বিমানবাহী জাহাজখনে এতিয়ালৈকে ছি জিনপিঙৰ নেতৃত্বত কাম কৰি চীনৰ ব্যাপক সামৰিক আধুনিকীকৰণ আৰু ইয়াক এক্সপান্সন ড্ৰাইভৰ আটাইতকৈ স্পষ্ট উদাহৰণ বুলি গণ্য কৰা হয়।
ফুজিয়ানক বৰ্তমানলৈকে চীনৰ আটাইতকৈ আধুনিক বিমানবাহী জাহাজ বুলি গণ্য কৰা হয়।ইয়াত ইলেক্ট্ৰ’মেগনেটিক এয়াৰক্ৰাফ্ট লঞ্চ চিষ্টেম আছে, যি আমেৰিকাৰ ইউ এছ এছ জেৰাল্ড আৰ ফৰ্ড বিমানবাহী জাহাজত ব্যৱহাৰ কৰা হয়।এই প্ৰযুক্তিয়ে বিমানক দ্ৰুত আৰু সঠিকভাৱে উৰণ আৰু অৱতৰণ কৰাত সহায় কৰে।
লগতে পঢ়ক: ২.৫ ডিগ্ৰী চেলছিয়াছ বৃদ্ধি পাব পৃথিৱীৰ তাপমাত্ৰা; UNEPৰ সকীয়নি
