কমেডিয়ান ভাৰতী সিং আৰু তেওঁৰ স্বামী হৰ্ষ লিম্বাচিয়াৰ দুৱাৰত সুখে আকৌ এবাৰ টোকৰ মাৰিলে।দ্বিতীয়বাৰলৈ মাতৃ হ’ল ভাৰতী সিং
টেলিভিচন উদ্যোগৰ বিখ্যাত দম্পতী ভাৰতী সিং আৰু হৰ্ষ লিম্বাচিয়াৰ অনুৰাগীৰ বাবে এটা ভাল খবৰ।কমেডিয়ান ভাৰতী আৰু তেওঁৰ স্বামী হৰ্ষ লিম্বাচিয়াৰ দুৱাৰত সুখে আকৌ এবাৰ টোকৰ মাৰিলে।
আজি ১৯ ডিচেম্বৰত ভাৰতীয়ে দ্বিতীয়টো সন্তান জন্ম দিয়ে। নৱজাতকটিৰ আগমনক লৈ দম্পতীহালে অতিশয় উৎসাহিত হৈ আছিল।
জানিব পৰা মতে, ভাৰতী আৰু শিশুটি বৰ্তমান সুস্থ। অৱশ্যে বৰ্তমান সময়লৈকে দম্পতীহালে তেওঁলোকৰ ফালৰ পৰা কোনো বিবৃতি প্ৰকাশ কৰা নাই।
জানিব পৰা মতে, ভাৰতী সিঙে এটি পুত্ৰ সন্তান জন্ম দিছে। সূত্ৰসমূহে জনোৱা মতে, জনপ্ৰিয় শ্ব’ ‘লাফটাৰ চেফছ ছিজন ৩’ৰ চেটত শ্বুটিং কৰি আছিল,তাৰ পিছত তাইৰ প্ৰসৱ বেদনা হ’বলৈ ধৰিলে।ইয়াৰ পিছত লগে লগে তেওঁক চিকিৎসালয়লৈ লৈ যোৱা হয়,য’ত তেওঁ এটি সুস্থ পুত্ৰ সন্তান জন্ম দিয়ে।
লগতে পঢ়ক: বিপদে লগ এৰা নাই বলীউডৰ অভিনেত্ৰী শিল্পা শ্বেট্টীক; মুম্বাইৰ বাসগৃহত আয়কৰ অভিযান
