BCB ৰ স্থান সলনিৰ দাবী সন্দৰ্ভত ICC এ ডাঙৰ সিদ্ধান্ত লৈছে। আইচিচিয়ে আৰম্ভ কৰিছে নতুন সময়সূচী প্ৰস্তুত কৰাৰ প্ৰক্ৰিয়া ।
আইচিচি টি২০ বিশ্বকাপ ২০২৬ সন্দৰ্ভত এটা ডাঙৰ আপডেট আহিছে ।ইয়াৰ পূৰ্বে ৭ ফেব্ৰুৱাৰীৰ পৰা পুৰুষৰ টি-২০ বিশ্বকাপ ২০২৬ আৰম্ভ হোৱাৰ কথা আছিল, যাৰ ফাইনেল এতিয়াও ৮ মাৰ্চত অনুষ্ঠিত হোৱাৰ কথা।
এই প্ৰতিযোগিতা ভাৰত আৰু শ্ৰীলংকাৰ সহযোগত অনুষ্ঠিত হ’ব। ইফালে বাংলাদেশ ক্ৰিকেট ব’ৰ্ডৰ দ্বাৰা আই চি চিৰ পৰা স্থান সলনি কৰাৰ দাবী আৰু সকলো খেল ভাৰতৰ পৰা শ্ৰীলংকালৈ স্থানান্তৰিত কৰাৰ অনুৰোধক লৈ এটা ডাঙৰ সিদ্ধান্ত গ্ৰহণ কৰিছে।জানিব পৰা মতে, জয় শ্বাহৰ নেতৃত্বত আইচিচিয়ে নতুন সময়সূচী প্ৰস্তুত কৰাৰ প্ৰক্ৰিয়া আৰম্ভ কৰিছে।
BCB ৰ এই দাবী সেই ঘটনাৰ পিছত আহিছিল যেতিয়া ভাৰতীয় ক্ৰিকেট নিয়ন্ত্ৰণ ব’ৰ্ডে কলকাতা নাইট ৰাইডাৰ্ছক সাম্প্ৰতিক পৰিস্থিতিৰ বাবে মুস্তাফিজুৰ ৰহমানক বাহিৰ কৰি দিবলৈ কৈছিল।
পূৰ্বে প্ৰকাশ কৰা সূচী অনুসৰি বাংলাদেশে কলকাতাত তিনিখন আৰু মুম্বাইত এখন খেল খেলিব লাগিছিল।কিন্তু টুৰ্ণামেন্টৰ ঠিক আগতে মেচৰ স্থান সলনি কৰাটো আয়োজক আৰু সম্প্ৰচাৰকসকলৰ বাবে এক ডাঙৰ প্ৰত্যাহ্বানৰ সৃষ্টি কৰিব পাৰে।লজিষ্টিক, টিকট আৰু সম্প্ৰচাৰৰ সৈতে জড়িত বহু সমস্যাৰ সৃষ্টি হ’ব পাৰে।
অৱশ্যে BCB এ স্পষ্ট কৰি দিছে যে তেওঁলোকৰ সিদ্ধান্ত কোনো বিতৰ্ক বৃদ্ধিৰ বাবে লোৱা হোৱা নাছিল, বৰঞ্চ খেলুৱৈ আৰু সহায়ক কৰ্মচাৰীৰ সুৰক্ষা নিশ্চিত কৰাৰ বাবেহে লোৱা হৈছে।
লগতে পঢ়ক: টি-২০ বিশ্বকাপৰ বাবে ভাৰতলৈ নাহে বাংলাদেশী দল; IPL ৰ বিতৰ্কৰ মাজতে BCB ৰ সিদ্ধান্ত
