টি-২০ কেৰিয়াৰ দাগ লাগিল আৰ্শদ্বীপ সিঙৰ। ৭ টা ৱাইড বল, ১২ টাতকৈও অধিক বল। আৰ্শদ্বীপৰ লজ্জাজনক ৰেকৰ্ড।
নিউ চণ্ডীগড়ত ভাৰত আৰু দক্ষিণ আফ্ৰিকাৰ মাজত অনুষ্ঠিত হৈ আছে দ্বিতীয়খন টি-২০ মেচ।টছত জয়ী হৈ ভাৰতে প্ৰথমে বলিং কৰাৰ সিদ্ধান্ত লয়।
মেচখনত ভাৰতীয় পেচাৰ আৰ্শদ্বীপ সিঙে এটা অভাৰত নিয়ন্ত্ৰণ হেৰুৱাই পূৰ্বৰ দৰে ধাৰাবাহিকভাৱে ৱাইড বল কৰে।তেওঁৰ টি-২০ কেৰিয়াৰটো বৰ ভাল আছিল যদিও এতিয়া তাৰ ওপৰত এটা দাগ লাগিলে।
ইনিংছৰ ১১ অভাৰত বলিং কৰিবলৈ অহা আৰ্শদ্বীপৰ প্ৰথমটো বলত দক্ষিণ আফ্ৰিকাৰ কুইণ্টন ডি ককে ছয় কোৱায়।ইয়াৰ পিছত বলাৰ গৰাকীয়ে এটাৰ পিছত এটা ৱাইড বলৰ লাইন লগাই।
ৱাইড বল দেখি ডাগআউটত বহি থকা মুখ্য প্ৰশিক্ষক গৌতম গম্ভীৰো বিৰক্ত হৈ পৰে।তাৰ পিছতেই গৌতম গম্ভীৰৰ খঙাল প্ৰতিক্ৰিয়া এতিয়া ছ’চিয়েল মিডিয়াত ভাইৰেল হৈ পৰিছে।
খেলুৱৈ গৰাকীৰ লাইন আৰু দৈৰ্ঘ্য ইমানেই অৱনতি ঘটিছিল যে তেওঁৰ অভাৰ সম্পূৰ্ণ কৰিবলৈ তেওঁ মুঠ ১৩টা বল খৰচ কৰিছিল।এই অভাৰত তেওঁ মুঠ ৭টা ৱাইড ব’ল কৰে।
ইয়াৰ উপৰিও দক্ষিণ আফ্ৰিকাই এই অভাৰত এটা ছয়ৰ সৈতে মুঠ ১৮ ৰান সংগ্ৰহ কৰে।তাৰ পিছতেই নিজৰ বলিঙক যথেষ্ট হতাশ হৈছিল আৰ্শদ্বীপ।
লগতে পঢ়ক: কৰ্তন হ’ব পাৰে ৰোহিত-কোহলীৰ দৰমহা ! লাভৱান হ’ব শুভমন গীল !
