মুম্বাই ইণ্ডিয়ানছৰ সফল অধিনায়ক ৰোহিত শৰ্মাৰ ১৫ বছৰ সম্পূৰ্ণ
পাঁচবাৰৰ চেম্পিয়ন মুম্বাই ইণ্ডিয়ানছে চলিত ছিজনত আই পি এলত খিতাপৰ বাবে আগ্ৰাসী ৰূপত খেলপথাৰত নামিছে । ইয়াৰ মাজতে দলটোৱে তেওঁলোকৰ সফল অধিনায়ক ৰোহিত শৰ্মাৰ ১৫ বছৰ সম্পূৰ্ণ কৰাৰ আনন্দ উদযাপন কৰে । ২০১১ চনৰ ১০ এপ্ৰিলত মুম্বাইৰ হৈ অভিষেক ঘটোৱা ৰোহিতে ফ্ৰেঞ্চাইজিটোৰ সৈতে ১৫ বছৰ সম্পূৰ্ণ কৰিছে । আজিও তেওঁ মুম্বাইৰ জাৰ্চি পিন্ধা দলটোৰ এক গুৰুত্বপূৰ্ণ অংশ হৈ আছে আৰু তেওঁৰ কেৰিয়াৰৰ বাবে তেওঁ ব্যাপক প্ৰশংসা লাভ কৰিছে ।
ইফালে বৰ্তমানৰ মুম্বাইৰ অধিনায়ক তথা অল ৰাউণ্ডাৰ হাৰ্দিক পাণ্ডিয়াইও ৰোহিতক বিশেষ ভাবে অভিনন্দন জনায় । মুম্বাই ইণ্ডিয়ানছৰ ছ’চিয়েল মিডিয়া চেনেলত শ্বেয়াৰ কৰা এটা ভিডিঅ’ত হাৰ্দিকে কয়, “ভাই, ১৫ বছৰ সম্পূৰ্ণ কৰাৰ বাবে অভিনন্দন । আপুনি ইমান দিনে এই ফ্ৰেঞ্চাইজিটোক যিদৰে নেতৃত্ব দিছে তাৰ বাবে । মইও আপোনাৰ অধিনায়কত্বত অভিষেক ঘটালোঁ—যশপ্ৰীত বুমৰাহকে ধৰি আন বহু খেলুৱৈয়েও এই সুযোগ লাভ কৰে ।”
তেওঁ আৰু কয়, “আপুনি এই ফ্ৰেঞ্চাইজিৰ বাবে আৰু ভাৰতৰ হৈ খেলিবলৈ যোৱা বহু খেলুৱৈক অনুপ্ৰাণিত কৰিছে । আপুনি কেৱল এজন মহান নেতা নহয়, এজন আচৰিত মানুহো—সদায় বন্ধুত্বপূৰ্ণ, মুকলি হৃদয়ৰ আৰু সন্মুখৰ পৰা নেতৃত্ব দিয়া । আপোনাক বহুত অভিনন্দন আৰু এই বছৰবোৰত আপুনি কৰা সকলো কামৰ বাবে ধন্যবাদ ।”
উল্লেখ্য য়ে, ৩৮ বছৰীয়া ৰোহিত শৰ্মা আই পি এলৰ ইতিহাসত মাত্ৰ দুজন অধিনায়কৰ ভিতৰত অন্যতম যিয়ে নিজৰ দলটোক ৫টাকৈ খিতাপ জয়ৰ দিশত আগুৱাই লৈ গৈছে । ২০০৮ চনত ডেক্কান চাৰ্জাৰ্ছৰ সৈতে আই পি এল কেৰিয়াৰ আৰম্ভ কৰিছিল তেওঁ । ইয়াৰ পাছত ২০১১ চনত মুম্বাই ইণ্ডিয়ানছে তেওঁক অধিগ্ৰহণ কৰে, য’ত তেওঁ শচীন টেণ্ডুলকাৰৰ অধিনায়কত্বত খেলিবলৈ আৰম্ভ কৰে ।
আজিলৈকে মুম্বাইৰ হৈ ২৩০খন মেচ খেলি ৰোহিতে দুটা শতককে ধৰি ৫,৯৯৪ ৰান সংগ্ৰহ কৰিছে ।
কিন্তু তেওঁৰ আটাইতকৈ ডাঙৰ কৃতিত্ব তেওঁৰ অধিনায়কত্বত নিহিত হৈ আছে, যাৰ অধীনত তেওঁ ২০১৩, ২০১৫, ২০১৭, ২০১৯, আৰু ২০২০ চনত মুম্বাইক পাঁচটা চেম্পিয়নশ্বিপ খিতাপ দখল কৰিবলৈ নেতৃত্ব দিছিল । ইয়াৰ উপৰিও ২০১১ আৰু ২০১৩ চনত চেম্পিয়নছ লীগ জয় কৰা মুম্বাই দলৰ সদস্যও আছিল ।
এই ছিজনতো যদি ৰোহিতে মুম্বাইক খিতাপ দখললৈ লৈ যোৱাত সফল হয়, তেন্তে তেওঁ আই পি এলৰ ইতিহাসৰ আটাইতকৈ সফল খেলুৱৈ হিচাপে পৰিগণিত হ’ব ।
চলিত আই পি এলত ৰোহিতে তিনিটা ইনিংছত ১১৮ ৰান সংগ্ৰহ কৰিছে; তেওঁ গড় ৩৯.৩৩ আৰু ১৫০ (১৬৮.৫৭)তকৈ অধিক ষ্ট্ৰাইক ৰেট । তদুপৰি তেওঁৰ নামত অৰ্ধ শতকো আছে ।
লগতে পঢ়ক : বৈভৱৰ প্ৰদৰ্শনে হৃদয় জিনিলে বিৰাট কোহলীৰ; দিলে বিশেষ উপহাৰ
