নেতান্যাহুৱে আৰাদ ভ্ৰমণ কৰি বিশ্বক সকীয়াই দিয়ে যে ইৰাণৰ ক্ষেপণাস্ত্ৰ এতিয়া ইউৰোপ পৰ্যন্ত পাইছে গৈ। তেওঁ উল্লেখ কৰে যে ইজৰাইল আৰু আমেৰিকাই সমগ্ৰ বিশ্বৰ নিৰাপত্তাৰ বাবে একেলগে যুঁজি আছে।
আমেৰিকা, ইজৰাইল আৰু ইৰাণৰ মাজত চলি থকা সংঘাত দিনক দিনে ক্ৰমান্বয়ে ভয়ংকৰ হৈ পৰিছে।এই উত্তেজনাৰ মাজতে ইজৰাইলৰ প্ৰধানমন্ত্ৰী বেঞ্জামিন নেতান্যাহুৱে দেওবাৰে ইৰাণৰ বিৰুদ্ধে তীব্ৰ আক্ৰমণ চলাই।
তেওঁ স্পষ্ট ভাষাৰে কঠোৰ সকীয়নি দিছে যে তেহৰাণৰ ক্ষেপণাস্ত্ৰ এতিয়া কেৱল ইজৰাইলৰ বাবে ভাবুকি নহয়,বৰঞ্চ ইউৰোপ আৰু সমগ্ৰ বিশ্বৰ বাবে তেওঁলোক এক ডাঙৰ ভাবুকি হৈ পৰিছে। এই মন্তব্য তেওঁ দক্ষিণ ইজৰাইলৰ আৰাদ চহৰ পৰিদৰ্শন কৰি দিয়ে,য’ত শনিবাৰে সন্ধিয়া ইৰাণৰ ক্ষেপণাস্ত্ৰই বিধ্বংসী ৰূপ ধাৰণ কৰে।
শেহতীয়াকৈ ডিয়েগো গাৰ্চিয়াৰ ওপৰত হোৱা আক্ৰমণৰ উদ্ধৃতি দি নেতান্যাহুৱে বিশ্ববাসীক সকীয়াই দিয়ে।তেওঁ উল্লেখ কৰে যে ইৰাণে ৪ হাজাৰ কিলোমিটাৰ ষ্ট্ৰাইক ৰেঞ্জৰ ক্ষেপণাস্ত্ৰ নিক্ষেপ কৰিছে।নেতান্যাহুৰ মতে, তেওঁ বহুদিনৰ পৰাই দৃঢ়তাৰে কৈছিল যে ইৰাণৰ হাতত এতিয়া ইউৰোপৰ গভীৰতাত বিধ্বংসী ৰূপ ধাৰণ কৰাৰ ক্ষমতা আছে।
ইতিমধ্যে চাইপ্ৰাছৰ দৰে ইউৰোপীয় দেশক লক্ষ্য কৰি লৈছে, এতিয়া তেওঁলোকৰ দৃষ্টি সকলোৰে ওপৰত।তেওঁ স্পষ্টভাৱে কয় যে, যোৱা ৪৮ ঘণ্টাত ইৰাণে ইচ্ছাকৃতভাৱে আৱাসিক অঞ্চলসমূহক লক্ষ্য কৰি লৈছে।তেওঁলোকৰ উদ্দেশ্য কেৱল আক্ৰমণ কৰা নহয়,বৰঞ্চ বৃহৎ পৰিসৰৰ নৰসংহাৰ সংঘটিত কৰাৰ ।
নেতান্যাহুৱে দৃঢ়তাৰে কয় যে ইৰাণে সেই স্থানত ক্ষেপণাস্ত্ৰ নিক্ষেপ কৰিছিল য’ত ইহুদী, খ্ৰীষ্টান, ইছলাম আৰু ইহুদী ধৰ্মৰ তিনিওটা ধৰ্মৰ বাবে ইয়াৰ তাৎপৰ্য অপৰিসীম।
