ব্ৰহ্মপুত্ৰ নদী সংযোগ, অৰ্থনৈতিক বিকাশ তথা জীৱিকাৰ এক অন্যতম চালিকা শক্তি হিচাপে আত্মপ্ৰকাশ কৰিছে
মুখ্যমন্ত্ৰী হিমন্ত বিশ্ব শৰ্মাই যে ৰাজ্যখনৰ পৰিৱৰ্তন এতিয়া জলপথৰ দ্বাৰা ক্ৰমান্বয়ে গতিশীল হৈ উঠিছে আৰু ব্ৰহ্মপুত্ৰ নদী সংযোগ, অৰ্থনৈতিক বিকাশ তথা জীৱিকাৰ এক অন্যতম চালিকা শক্তি হিচাপে আত্মপ্ৰকাশ কৰিছে।
এক্সৰ এটা পোষ্টত মুখ্যমন্ত্ৰী শৰ্মাই কয়, “অসমৰ পৰিৱৰ্তন এতিয়া জলপথেৰে বৈছে। আধুনিক টাৰ্মিনেল আৰু নৈশ ফেৰী সেৱাৰ পৰা আদি কৰি নতুন জাহাজ আৰু আগন্তুক প্ৰকল্পলৈকে—ব্ৰহ্মপুত্ৰ নদী সংযোগ আৰু সুযোগৰ এক প্ৰকৃত জীৱনৰেখাত পৰিণত হৈছে।”
তেওঁ কয় যে অভ্যন্তৰীণ জল পৰিবহণে পথ, ৰেল আৰু আকাশী পথৰ দৰে পৰম্পৰাগত মাধ্যমসমূহৰ পৰিপূৰক হিচাপে কাম কৰাৰ লগতে ৰাজ্যখনৰ পৰ্যটন আৰু নিয়োগৰ ক্ষেত্ৰতো বিশেষ উৎসাহ যোগাইছে।
মুখ্যমন্ত্ৰীগৰাকীয়ে উল্লেখযোগ্য পদক্ষেপসমূহৰ ভিতৰত ২০খন আধুনিক catamarans প্ৰৱৰ্তন আৰু ‘জীৱনডিঙা’ আঁচনিৰ অধীনত ৮৫০ খনতকৈও অধিক পৰম্পৰাগত নাও উন্নীতকৰণৰ কথা উল্লেখ কৰে।
তেওঁ লগতে কয় যে ভাৰতৰ প্ৰথমটো নৈশ ফেৰী নেভিগেচন চিষ্টেম কাৰ্যকৰী কৰা হৈছে, যাৰ দ্বাৰা নিশাৰ ভাগত ১১ লাখতকৈও অধিক যাত্ৰী উপকৃত হৈছে। ইয়াৰ উপৰিও, মুখ্যমন্ত্ৰী শৰ্মাই জনায় যে যাত্ৰী আৰু মালবাহী জাহাজৰ চলাচল অধিক সুচল কৰাৰ উদ্দেশ্যে যোগীঘোপাত এটা নতুন অভ্যন্তৰীণ জল পৰিবহণ টাৰ্মিনেলকে ধৰি আন্তঃগাঁথনি উন্নয়নৰ কাম চলি আছে।
তেওঁ কয় ”পথ, ৰেল আৰু আকাশী পথৰ বাহিৰেও জল পৰিবহণে বিকাশ, পৰ্যটন আৰু জীৱিকাক শক্তিশালী কৰি তুলিছে ।”
লগতে পঢ়ক : বিজেপিৰ দ্বিতীয়খন প্ৰাৰ্থীৰ তালিকা প্ৰকাশ
