আন্তঃৰাষ্ট্ৰীয় ক্ৰিকেট পৰিষদৰ অধ্যক্ষ জয় শ্বাহে টি-২০ বিশ্বকাপ ২০২৬ ক লৈ সৃষ্টি হোৱা বিতৰ্কৰ সন্দৰ্ভত প্ৰথমবাৰৰ বাবে মৌনতা ভংগ কৰিছে। তেওঁ কয় ‘আইচিচিতকৈ কোনো দেশ ডাঙৰ নহয়’
টি-২০ বিশ্বকাপ ২০২৬ ক লৈ সৃষ্টি হোৱা বিতৰ্কক লৈ প্ৰথমবাৰৰ বাবে মৌনতা ভংগ কৰিছে আন্তঃৰাষ্ট্ৰীয় ক্ৰিকেট পৰিষদৰ অধ্যক্ষ জয় শ্বাহে।জয় শ্বাহে কয় যে কোনো দেশ বা দল আইচিচিতকৈ ডাঙৰ নহয়।আইচিচিয়ে সকলো সদস্য দলৰ সামূহিক প্ৰচেষ্টাৰ জৰিয়তে কাম কৰে।
বঁটা বিতৰণী অনুষ্ঠানত জয় শ্বাহে কয় যে বিশ্বকাপৰ পূৰ্বে কিছুমান বিশেষ দলে অংশগ্ৰহণ কৰিব নে নকৰে সেই সন্দৰ্ভত বহু জল্পনা-কল্পনা চলিছিল।কিন্তু আই চি চিৰ অধ্যক্ষ হিচাপে মই নিশ্চিতভাৱে ক’ব পাৰো যে কোনো দল সংগঠনতকৈ ডাঙৰ নহয়।কেৱল কোনো এটা দলেই সংগঠন গঠন নকৰে।বৰঞ্চ সকলো দলৰ সামূহিক প্ৰচেষ্টাৰ দ্বাৰাহে সংস্থাটোৱে কাম কৰে।
জয় শ্বাহে উল্লেখ কৰে যে এই টি-২০ বিশ্বকাপে দৰ্শকৰ ক্ষেত্ৰত ইতিহাসৰ সৃষ্টি কৰিছে। মুঠ দৰ্শকৰ পূৰ্বৰ সকলো অভিলেখও ভংগ হৈছিল।সহযোগী দলসমূহে এক দুৰ্দান্ত প্ৰদৰ্শন আগবঢ়ায়।আমেৰিকাই ভাৰতক , নেদাৰলেণ্ডে পাকিস্তানক প্ৰত্যাহ্বান জনাইছিল, নেপালেও ইংলেণ্ডক কঠিন যুঁজ দিছিল।আনহাতে জিম্বাবুৱেৰ দৰে সৰু দল এটায়ো অষ্ট্ৰেলিয়াক পৰাস্ত কৰিলে।
লগতে পঢ়ক: পিতৃ হ’বলৈ ওলাইছে সূৰ্যকুমাৰ যাদৱ; পত্নীয়ে শ্বেয়াৰ কৰিলে বিশেষ ভিডিঅ’
