শুকুৰবাৰে ভাৰতে আমেৰিকা নেতৃত্বাধীন কৌশলগত মিত্ৰজোঁট পেক্স চিলিকাত যোগদান কৰাৰ কথা ঘোষণা কৰে ।
শুকুৰবাৰে ভাৰতে আমেৰিকা নেতৃত্বাধীন কৌশলগত মিত্ৰজোঁট পেক্স চিলিকাত এক বৃহৎ পদক্ষেপত যোগদান কৰাৰ কথা ঘোষণা কৰে । এই ঘোষণাত স্বাক্ষৰ কৰিলে জটিল খনিজ পদাৰ্থৰ পৰা আৰম্ভ কৰি কৃত্ৰিম বুদ্ধিমত্তা (AI)লৈকে সকলোৰে যোগান শৃংখল শক্তিশালী কৰাত সহায়ক হ’ব । এই অংশীদাৰিত্বই বিভিন্ন ৰেয়াৰ আৰ্থ ধাতুৰ ক্ষেত্ৰত চীনৰ আধিপত্য প্ৰতিহত কৰাত সহায় কৰিব ।
চীনৰ ওপৰত নিৰ্ভৰশীলতা হ্ৰাস-
পেক্স চিলিকাৰ সৈতে অংশীদাৰিত্বই ভাৰতক ৰেয়াৰ আৰ্থ খনিজ আমদানিৰ ক্ষেত্ৰত চীনৰ ওপৰত নিৰ্ভৰশীলতা হ্ৰাস কৰাত সহায় কৰিব পাৰে আৰু জটিল খনিজ আৰু এআইৰ বাবে স্থিতিস্থাপক যোগান শৃংখল শক্তিশালী কৰিব পাৰে ।
এ আই ছামিটত স্বাক্ষৰিত চুক্তি-
নতুন দিল্লীত চলি থকা ইণ্ডিয়া এ আই ইমপেক্ট ছামিটত এই ঘোষণা পত্ৰত সাক্ষৰ কৰা হয় । এই পদক্ষেপৰ লক্ষ্য হৈছে প্ৰযুক্তিগত সহযোগিতা বৃদ্ধি কৰা আৰু পৰৱৰ্তী প্ৰজন্মৰ ব্যৱসায়ৰ বাবে প্ৰয়োজনীয় মূল সম্পদসমূহৰ প্ৰৱেশ সুৰক্ষিত কৰা । তদুপৰি প্ৰস্তাৱিত ভাৰত-আমেৰিকাৰ বাণিজ্যিক চুক্তি চূড়ান্ত হোৱাৰ লগতে দ্বিপাক্ষিক সম্পৰ্ক গভীৰ হোৱাৰ মাজতে এই পদক্ষেপ গ্ৰহণ কৰা হৈছে ।
পেক্স চিলিকাৰ সৈতে লাভ কৰিব এইসমূহ সুবিধা-
প্ৰকাশিত বাতৰি অনুসৰি ভাৰত পেক্স চিলিকাৰ অংশ হৈ পৰিছে আৰু ইয়াৰ দ্বাৰা ভাৰতৰ ইলেক্ট্ৰনিকছ আৰু অৰ্ধপৰিবাহী উদ্যোগসমূহ যথেষ্ট লাভৱান হ’ব । মন কৰিবলগীয়া যে দেশত ইতিমধ্যে ১০টা উদ্যোগ স্থাপন কৰা হৈছে আৰু অধিক উদ্যোগ স্থাপনৰ লক্ষ্য লোৱা হৈছে । আশা কৰা হৈছে যে অতি সোনকালে প্ৰথমটো অৰ্ধপৰিবাহী উদ্যোগটোত বাণিজ্যিক উৎপাদন আৰম্ভ হ’ব ।
কি হয় পেক্স চিলিকা ?
অংশীদাৰ দেশসমূহত এ আই-চালিত উন্নয়ন ত্বৰান্বিত কৰাৰ বাবে পেক্স চিলিকাৰ লক্ষ্য হৈছে এক বহনক্ষম আন্তঃগাঁথনি সৃষ্টি কৰা । পেক্স চিলিকা হৈছে এ আই আৰু অৰ্ধপৰিবাহীৰ বাবে বিশ্বব্যাপী যোগান শৃংখল সুৰক্ষিত কৰাৰ বাবে আৰম্ভ কৰা মিত্ৰজোঁট । ইয়াৰ দ্বাৰা ২০ শতিকাৰ তেল আৰু তীখাৰ ওপৰত নিৰ্ভৰশীলতাৰ পৰা চিলিকন আৰু জটিল খনিজ পদাৰ্থৰ দ্বাৰা পৰিচালিত অৰ্থনীতিলৈ পৰিৱৰ্তন ঘটিছে । এই মিত্ৰজোঁটৰ নেতৃত্বত আছে আমেৰিকাৰ অৰ্থনৈতিক পৰিক্ৰমা বিভাগৰ উপ সচিব জেকব হেলবাৰ্গ ।
লগতে পঢ়ক : ভাৰতৰ ওপৰত আৰোপ কৰা ২৫ শতাংশ শুল্ক প্ৰত্যাহাৰ আমেৰিকাৰ, কেতিয়াৰ পৰা লাভ কৰিব সকাহ ?
