বাংলাদেশৰ নিৰ্বাচনৰ পূৰ্বে দেশখনৰ পৰিস্থিতি ইমানেই ভয়ংকৰ ৰূপ ধাৰণ কৰিছে যে তাত সংখ্যালঘু লোকক হত্যা কৰাটো সাধাৰণ হৈ পৰিছে।পুনৰবাৰ বাংলাদেশত এজন হিন্দুত হত্য়া কৰা হৈছে।
চলিত মাহৰ ১২ ফেব্ৰুৱাৰীত বাংলাদেশত নিৰ্বাচন অনুষ্ঠিত হ’ব, কিন্তু তাৰ পূৰ্বেও বাংলাদেশত হিন্দুৰ ওপৰত হিংসা হ্ৰাস পোৱা নাই।
বাংলাদেশৰ সাধাৰণ নিৰ্বাচনৰ মাত্ৰ ৪৮ ঘণ্টাৰ পূৰ্বে মাইমেনচিং জিলাৰ ত্ৰিশাল মহকুমাত আন এজন হিন্দু ব্যৱসায়ীক হত্যা কৰা হৈছিল।
মৃত যুৱকজনৰ নাম ৬২ বছৰীয়া সুষেন চন্দ্ৰ সৰকাৰ বুলি জানিব পৰা গৈছে, তেওঁ ত্ৰিশালত এম এছ ভাই ভাই এণ্টাৰপ্ৰাইজ নামৰ এখন ব্যৱসায় চলাইছিল।
মৃতকৰ পৰিয়ালে তেওঁক হত্যা কৰাৰ লগতে দুৰ্বৃত্তই কেইবালাখ বাংলাদেশী টাকাও লুণ্ঠন কৰাৰ অভিযোগ উত্থাপন কৰিছে ।
জানিব পৰা মতে ‘দুৰ্বৃত্ত কেইজনে মহকুমাৰ বগৰ বজাৰ চৌহদত থকা সুষেন চন্দ্ৰ সৰকাৰৰ দোকানত প্ৰৱেশ কৰি চোকা অস্ত্ৰৰে ঘপিয়াই হত্যা কৰে আৰু দোকানৰ চাটাৰ বন্ধ কৰি তেওঁক ভিতৰলৈ পেলাই থৈ যায়।
পিছত পৰিয়ালৰ লোকে তেওঁক বিচাৰি দোকানত উপস্থিত হয়। আৰু সৰকাৰক তেজেৰে লুতুৰী পুতুৰী হৈ পৰি থকা অৱস্থাত উদ্ধাৰ কৰে। লগে লগে তেওঁক মাইমেনচিং মেডিকেল কলেজ হাস্পতাললৈ লৈ যায় যদিও চিকিৎসকে মৃত ঘোষণা কৰে।
মৃতকৰ পুত্ৰ সুজান সৰকাৰে কয়,’আমাৰ লগত কাৰোৰে কোনো শত্ৰুতা নাছিল।দেউতাক নিৰ্মমভাৱে হত্যা কৰাৰ পিছত দুস্কৃতিকাৰীয়ে দোকানৰ পৰা কেইবা লাখ টকা লুটি লৈ যায়।আমাৰ চাউলৰ ব্যৱসায় বহুদিন ধৰি চলি আছিল।আমি এই হত্যাকাৰীক কঠোৰ শাস্তি প্ৰদানৰ দাবী জনাইছো।’
লগতে পঢ়ক: ‘ভাৰতৰ তথ্য শত্ৰুক বিক্ৰী কৰা হৈছে’; চাইবাৰ জালিয়াতিক লৈ দেশবাসীক অমিত শ্বাহৰ সতৰ্কবাণী
