শনিবাৰে ৱাংখেড়ে ষ্টেডিয়ামত অনুষ্ঠিত হোৱা মেচখনত আমেৰিকাক ২৯ ৰাণত পৰাস্ত কৰে ভাৰতে । সূৰ্যকুমাৰ যাদৱে দলৰ দায়িত্ব অকলেই কান্ধ পাতি ৮৪ ৰানৰ অপৰাজিত ইনিংছ খেলে ।
বৃহৎ জয়েৰে টি-২০ বিশ্বকাপৰ অভিযান আৰম্ভ কৰিছে ভাৰতীয় দলে । শনিবাৰে ৱাংখেড়ে ষ্টেডিয়ামত অনুষ্ঠিত হোৱা মেচখনত আমেৰিকাক ২৯ ৰাণত পৰাস্ত কৰে ভাৰতে । প্ৰথমে বেটিং কৰা ভাৰতীয় দলটোৱে ১৬১ ৰান সংগ্ৰহ কৰিছিল । ইয়াৰ প্ৰতিক্ৰিয়া স্বৰূপে আমেৰিকা দলটোৱে নিৰ্ধাৰিত ২০ অভাৰত মাত্ৰ ১৩২ ৰানহে কৰিবলৈ সক্ষম হয় । অধিনায়ক সূৰ্যকুমাৰ যাদৱে ৮৪ ৰানৰ মেচ বিজয়ী ইনিংছ খেলে ।
মেচখনত আমেৰিকাই টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । আমেৰিকান বলাৰসকলে ভাৰতীয় বেটছমেনসকলক সম্পূৰ্ণ চাপত ৰাখিবলৈ সক্ষম হয় । অভিষেক শৰ্মা আৰু শিৱম ডুবে শূণ্যতে পেভিলিয়নমুখী হয় । তিলক বাৰ্মাই ২৫ আৰু ঈশান কিষণে ২০ ৰান সংগ্ৰহ কৰে । ভাৰতীয় টপ অৰ্ডাৰৰ ব্যৰ্থাৰ পাছত অধিনায়ক সূৰ্যকুমাৰ যাদৱে দলৰ দায়িত্ব অকলেই কান্ধ পাতি ৮৪ ৰানৰ অপৰাজিত ইনিংছ খেলে । তেওঁ ৪৯টা বলত এই বিস্ফোৰক ইনিংছ খেলি দলক বিপৰ্যয়ৰ পৰা উদ্ধাৰ কৰে ।
ইউ এছ এৰ হৈ শ্বেডলী ভান শ্বাকৱিক জিলিকি উঠে । একেটা অভাৰতে ঈশান কিষণ, তিলক বাৰ্মা, আৰু শিৱম ডুবেক আউট কৰে তেওঁ । চাৰি অভাৰত ২৫ ৰানত ৪ উইকেট দখল কৰে তেওঁ । হৰমীত সিঙেও দুটা উইকেট দখল কৰে ।
ভাৰতৰ প্ৰথমটো জয়-
টি-২০ বিশ্বকাপ ২০২৬ত ভাৰতীয় দলৰ এয়া প্ৰথমটো জয় । ইয়াৰ পূৰ্বে পাকিস্তান আৰু ৱেষ্ট ইণ্ডিজেও প্ৰথমখন মেচত জয়লাভ কৰিছে । ভাৰতৰ হৈ সৰ্বাধিক সফল বলাৰ মহম্মদ চিৰাজে ৪ অভাৰত মাত্ৰ ২৯ ৰানত ৩ উইকেট দখল কৰে । প্ৰথম অৱস্থাত ছিৰাজ ভাৰতৰ মূল দলৰ অংশ নাছিল যদিও আঘাতপ্ৰাপ্ত হৰ্ষিত ৰানাৰ ঠাইত তেওঁক অন্তৰ্ভূক্ত কৰা হয় ।
এই মেচত অৰ্শদীপ সিং আৰু অক্ষৰ পেটেলে দুটাকৈ উইকেট দখল কৰে । মিষ্ট্ৰী স্পীনাৰ বৰুণ চক্ৰৱৰ্তীয়েও এটা উইকেট দখল কৰে । ৪ অভাৰত ৩৪ ৰান দিয়া হাৰ্দিক পাণ্ডিয়া এই মেচৰ সৰ্বাধিক ব্যয়বহুল বলাৰ হিচাপে প্ৰমাণিত হয় ।
লগতে পঢ়ক : বাংখেড়েত সংকটমোচক সূৰ্যকুমাৰ, বিস্ফোৰক বেটিঙেৰে উদ্ধাৰ কৰিলে দলক
