ধাৰাবাহিকভাৱে উইকেটৰ পতন ঘটাৰ লগতে ৰানৰ হাৰ অবিশ্বাস্যভাৱে লেহেমীয়া হোৱাৰ বিপৰীতে অধিনায়ক সূৰ্যকুমাৰ যাদৱ দলৰ সংকটমোচকৰ ভূমিকাত অৱতীৰ্ণ হয় ।
মুম্বাইৰ ৱাংখেড়েত ষ্টেডিয়ামত আমেৰিকাৰ বলাৰে প্ৰতিগৰাকী ভাৰতীয়ক আচৰিত কৰি তোলে । বিস্ফোৰক বেটছমেনেৰে ভৰপূৰ টিম ইণ্ডিয়াই আমেৰিকাৰ বিৰুদ্ধে এটা এটা ৰান সংগ্ৰহ কৰিবলৈ সংগ্ৰাম কৰা পৰিলক্ষিত হয় । ধাৰাবাহিকভাৱে উইকেটৰ পতন ঘটাৰ লগতে ৰানৰ হাৰ অবিশ্বাস্যভাৱে লেহেমীয়া হোৱাৰ বিপৰীতে অধিনায়ক সূৰ্যকুমাৰ যাদৱ দলৰ সংকটমোচকৰ ভূমিকাত অৱতীৰ্ণ হয় । প্ৰথম অৱস্থাত তেওঁ ইউ এছ এৰ বলাৰসকলক সন্মান দিছিল যদিও শেষত তেওঁ নিজৰ স্বাভাৱিক শ্বট খেলি দলটোৰ স্ক’ৰ ১৫০ৰ ওপৰলৈ লৈ যায় । এটা সময়ত টিম ইণ্ডিয়াই ১২৫ ৰানৰ স্ক’ৰতো উপনীত নহ’ব যেন ধাৰণা কৰা হৈছিল । কিন্তু সূৰ্যকুমাৰ যাদৱে অপৰাজিত ৮৪ ৰানেৰে ভাৰতৰ স্ক’ৰ ১৬১ ৰানলৈ লৈ যায় ।
ভাৰতীয় মূলৰ খেলুৱৈৰে গঠিত আমেৰিকাৰ দলটোৱে আশা কৰাতকৈ ভাল প্ৰদৰ্শন আগবঢ়ায় । এটা শক্তিশালী ভাৰতীয় দলৰ বিৰুদ্ধে তেওঁলোক যে সম্পূৰ্ণ সাজু হৈ আহিছে সেয়া স্পষ্ট হৈ পৰিছিল । শূণ্য ৰানতে ভাৰতৰ তাৰকা বেটছমেন অভিষেক শৰ্মাৰ উইকেটৰ পতন ঘটে । শিৱম ডুবেও একাউণ্ট খোলাত ব্যৰ্থ হয় । ৰিংকু সিঙে ১৪টা বলত ৬ ৰান সংগ্ৰহ কৰি আউট হোৱাৰ বিপৰীতে হাৰ্দিক পাণ্ডিয়াই ৬টা বলত ৫ ৰান সংগ্ৰহ কৰি পেভিলিয়নমুখী হয় ।
পাৱাৰপ্লেৰ প্ৰথম ছয় অভাৰত চাৰিটা উইকেট হেৰুওৱা, বিস্ফোৰক বেটছমেনেৰে ভৰি থকা টিম ইণ্ডিয়াই ৭২ ৰানত পঞ্চমটো আৰু ৭৭ ৰানত ষষ্ঠ উইকেট হেৰুৱাই । সকলো তাৰকা বেটছমেন পেভিলিয়নলৈ উভতি আহিছিল যদিও সূৰ্যকুমাৰ যাদৱে দলক উদ্ধাৰৰ দায়িত্ব অকলেই কান্ধ পাতি লৈ ক্ৰীজত থাকে । মাত্ৰ ৪৯টা বলত ৮৪ ৰানৰ উল্লেখযোগ্য ইনিংছ খেলি সূৰ্যকুমাৰ যাদৱে । তেওঁৰ এই দায়িত্বশীল ইনিংছত ১০টা চাৰি আৰু ৪টা ছয় আছিল । অক্ষৰ পেটেলে দুটা চাৰিৰ সহায়ত ১১টা বলত ১৪ ৰান সংগ্ৰহ কৰে ।
লগতে পঢ়ক : টিম ইণ্ডিয়াত সালসলনি ! হৰ্ষিত ৰাণাৰ সলনি এতিয়া খেলিব এইজন স্পীডষ্টাৰ !
