শেহতীয়াকৈ গলবস্ত্ৰক লৈ উত্তাল হৈ পৰিছে দেশৰ ৰাজনীতি । কংগ্ৰেছৰ সাংসদ ৰাহুল গান্ধীয়ে দেশৰ উত্তৰ-পূবক অপমান কৰা বুলি অভিযোগ উত্থাপন কৰে বিজেপিয়ে ।
সোমবাৰে কংগ্ৰেছৰ সাংসদ ৰাহুল গান্ধীয়ে দেশৰ উত্তৰ-পূবক অপমান কৰা বুলি অভিযোগ উত্থাপন কৰে বিজেপিয়ে । ৰাষ্ট্ৰপতি ভৱনত ‘এট-হোম’ অভ্যৰ্থনা অনুষ্ঠানত সকলো অতিথিক দিয়া গলবস্ত্ৰ পৰিধান নকৰাকৈয়ে ৰাষ্ট্ৰপতি দ্ৰৌপদী মুৰ্মুকো অসন্মান কৰিছিল বুলি ৰাহুল গান্ধীৰ বিৰুদ্ধে অভিযোগ উত্থাপন হৈছে । সংবাদ মাধ্যমৰ একাংশই ৰাহুল গান্ধীৰ বাহিৰে সকলো অতিথিয়ে অনুষ্ঠানত দিয়া গলবস্ত্ৰ পিন্ধিছিল বুলি দাবী কৰাৰ পিছত এই বিতৰ্কৰ সূচনা হয় ।
ৰাহুল গান্ধীক সমালোচনা বিজেপিৰ-
কিছু সংবাদ মাধ্যমৰ বাতৰিৰ উদ্ধৃতি দি বিজেপিৰ ৰাষ্ট্ৰীয় মুখপাত্ৰ শ্বাহজাদ পুনাৱাল্লাই এক্সৰ এটা পোষ্টত কয়, “লজ্জাজনক ! ৰাহুল গান্ধীয়ে উত্তৰ-পূবক অপমান কৰিছে আৰু লগতে আমাৰ অতি সন্মানীয় ৰাষ্ট্ৰপতিকো অসন্মান কৰিছে।” বিজেপি নেতাগৰাকীয়ে কয় যে তেওঁ অনুভৱ কৰিছে যে “পৰিয়াল ব্যৱস্থা” “সাংবিধানিক ব্যৱস্থা”ৰ ওপৰত । আসনৰ ব্যৱস্থা এটা নিৰ্দিষ্ট ফৰ্মেট, ৰাষ্ট্ৰপতিৰ টেবুলৰ দ্বাৰা নিৰ্ধাৰণ কৰা হয় । ৰাহুল গান্ধীৰ আশে-পাশে বা পিছফালে জ্যেষ্ঠ কেবিনেট মন্ত্ৰীক দেখা যায়, কিন্তু তেওঁলোকৰ কোনোৱেই ইয়াক ইছ্যু কৰা নাছিল ।
পুনাৱালাই প্ৰশ্ন কৰে, “ৰাহুলে ভাৰতৰ মালিক বুলি ভাবে নেকি ? কিয় গুৰুত্বপূৰ্ণ অনুষ্ঠানৰ পৰা আতৰি থাকে ? উপ-ৰাষ্ট্ৰপতিৰ শপত গ্ৰহণৰ সময়ত তেওঁ ক’ত আছিল ? চি জে আইৰ শপত গ্ৰহণৰ সময়ত ? স্বাধীনতা দিৱসৰ অনুষ্ঠানত ?” ৰাষ্ট্ৰীয় মুখপাত্ৰ প্ৰদীপ ভাণ্ডাৰীয়ে গণৰাজ্য দিৱসত কংগ্ৰেছে আসনৰ ব্যৱস্থাক ৰাজনীতিকৰণ কৰাৰ অভিযোগ উত্থাপন কৰি গান্ধীক “অসৎ ৰাজনীতিবিদ” বুলি অভিহিত কৰে । ভাণ্ডাৰীয়ে অভিযোগ কৰে যে, “গণৰাজ্য দিৱসত আসনৰ ব্যৱস্থাকো ৰাজনীতিকৰণ কৰাটো কংগ্ৰেছৰ বাবে লজ্জাজনক । ৰাহুল গান্ধী এজন অসাধু ৰাজনীতিবিদ যিয়ে ৰাষ্ট্ৰীয় স্বাৰ্থতকৈ ৰাজনীতি বাছি লয় ।”
ৰাহুলক ক্ষমা খোজাৰ দাবী হিমন্ত বিশ্ব শৰ্মাৰ-
অসমৰ মুখ্যমন্ত্ৰী ড০ হিমন্ত বিশ্ব শৰ্মাই ৰাষ্ট্ৰপতি ভৱনত ৰাষ্ট্ৰপতি দ্ৰৌপদী মুৰ্মুৱে আয়োজন কৰা এক অনুষ্ঠানত পৰম্পৰাগত (গলবস্ত্ৰ) পৰিধান কৰিবলৈ অস্বীকাৰ কৰাৰ অভিযোগত ৰাহুল গান্ধীৰ পৰা “বিনা চৰ্তে ক্ষমা খোজাৰ” দাবী কৰিছে ।
গণৰাজ্য দিৱসৰ সন্ধিয়া ৰাষ্ট্ৰপতিয়ে আয়োজন কৰা ‘এট হোম’ অভ্যৰ্থনা অনুষ্ঠানত ৰাহুল গান্ধীয়ে অঞ্চলটোৰ চহকী সাংস্কৃতিক ঐতিহ্যৰ প্ৰতীক পৰম্পৰাগত পাটকা পৰিধান নকৰাটো সমগ্ৰ উত্তৰ-পূৰ্বাঞ্চলৰ জনসাধাৰণৰ প্ৰতি অত্যন্ত সংবেদনহীন আৰু অসন্মানজনক বুলি এক্সত দাবী কৰে মুখ্যমন্ত্ৰীগৰাকীয়ে ।
মুখ্যমন্ত্ৰী ড০ শৰ্মাই কয়- সময় সলনি হ’ব পাৰে, কিন্তু কংগ্ৰেছ দলৰ বাস্তৱিক চুপ্ৰীমো ৰাহুল গান্ধীৰ মনোভাৱ অপৰিৱৰ্তিত যেন লাগে… ৰাষ্ট্ৰপতি আৰু প্ৰধানমন্ত্ৰীৰ পৰা আৰম্ভ কৰি বিদেশী অতিথিলৈকে সকলোৱে শ্ৰদ্ধা আৰু গৌৰৱেৰে পাটকা পিন্ধিছিল । কেৱল গান্ধীয়ে একাষৰীয়াকৈ থিয় দিয়ে, যাৰ পৰা উত্তৰ-পূর্বাঞ্চলৰ প্ৰতি তেওঁৰ অসন্মান প্রকাশ পাইছে ৷ এই অপমানৰ বাবে ৰাহুল গান্ধীয়ে উত্তৰ-পূৰ্বাঞ্চলৰ জনসাধাৰণৰ ওচৰত বিনাচৰ্তে ক্ষমা খুজিব লাগে ।
