IPAC ৰ অভিযানৰ গোচৰত ED এ উচ্চতম ন্যায়ালয়ৰ পৰা ডাঙৰ সকাহ পাইছে ।আদালতে বিষয়াসকলৰ বিৰুদ্ধে ৰুজু হোৱা এফআইআৰত স্থগিতাদেশ জাৰি কৰিছে।
ৰাজনৈতিক পৰামৰ্শদাতা প্ৰতিষ্ঠান IPAC ৰ ওপৰত চলোৱা অভিযানত বৃহৎ বিপৰ্যয়ৰ সন্মুখীন হৈছে পশ্চিম বংগ চৰকাৰ।
উচ্চতম ন্যায়ালয়ে এই বিষয়ত ইডিৰ আবেদন সন্দৰ্ভত মুখ্যমন্ত্ৰী মমতালৈ জাননী জাৰি কৰিছে।জানিব পৰা মতে উচ্চতম ন্যায়ালয়ে মমতা চৰকাৰ আৰু ডিজিপিলৈ জাননী জাৰি কৰিছে।
ইয়াৰ উপৰিও ইডিৰ বিষয়াৰ বিৰুদ্ধে পঞ্জীয়ন হোৱা এফআইআৰও স্থগিত কৰি দিয়া হয়।এই স্থগিতাদেশ গোচৰৰ পৰৱৰ্তী শুনানিলৈকে থাকিব।এতিয়া এই আবেদনৰ পৰৱৰ্তী শুনানি ৩ ফেব্ৰুৱাৰীত হ’ব।
সমগ্ৰ বিষয়টোক লৈ আজি উচ্চতম ন্যায়ালয়ত এক উত্তপ্ত বিতৰ্ক দেখা যায়।ইডিয়ে উচ্চতম ন্যায়ালয়ত জনোৱা মতে, অভিযানৰ সময়ত মুখ্যমন্ত্ৰী মমতা বেনাৰ্জী আৰু ৰাজ্যিক আৰক্ষীয়ে তদন্তত বাধা আৰোপ কৰিছিল।
একে সময়তে ছলিচিটৰ জেনেৰেল তুষাৰ মেহতাই ইডিৰ হৈ যুক্তি দিওঁতে কয়,আৰক্ষীৰ সহযোগত মুখ্যমন্ত্ৰীয়ে তদন্তত বাধা প্ৰদান কৰে,ইয়াৰ উপৰিও প্ৰমাণ চুৰিও কৰিছিল।এই সমগ্ৰ বিষয়টোক উচ্চতম ন্যায়ালয়ে অতি গুৰুতৰ বুলি অভিহিত কৰিছে।
এই শুনানিৰ সময়ত আদালতে মুখ্যমন্ত্ৰী মমতা বেনাৰ্জী, বংগৰ ডিজিপি, পশ্চিম বংগ চৰকাৰ আৰু কলকাতাৰ উপায়ুক্তলৈ জাননী জাৰি কৰিছে।
লগতে পঢ়ক: এতিয়াৰে পৰা NIA এ কৰিব বাংলাদেশী অনুপ্ৰৱেশকাৰীৰ তদন্ত…
