টি-২০ বিশ্বকাপৰ বাবে শেষ নোহোৱা হৈছে বাংলাদেশৰ নাটক। স্থান সলনি কৰিবলৈ আইচিচিলৈ প্ৰেৰণ কৰিলে দ্বিতীয়খন পত্ৰ।
বাংলাদেশ ক্ৰিকেট ব’ৰ্ডে বৃহস্পতিবাৰে আনুষ্ঠানিকভাৱে আইচিচিলৈ দ্বিতীয়খন পত্ৰ প্ৰেৰণ কৰে,য’ত টি-২০ বিশ্বকাপৰ বাবে ভাৰতৰ ভ্ৰমণ সন্দৰ্ভত নিজৰ নিৰ্দিষ্ট নিৰাপত্তাজনিত উদ্বেগ স্পষ্ট কৰে আৰু লগতে অনুষ্ঠান স্থলী শ্ৰীলংকালৈ সলনি কৰাৰ দাবী কৰে।
৭ ফেব্ৰুৱাৰীৰ পৰা আৰম্ভ হ’বলগীয়া বিশ্বকাপ বাংলাদেশ আৰু ভাৰতত চাৰিখন মেচ (কলকাতাত তিনিখন আৰু মুম্বাইত এখন) খেলাৰ কথা।
বিচিচিআইৰ নিৰ্দেশত বাংলাদেশৰ বেগী বলাৰ মুস্তাফিজুৰ ৰহমানক আইপিএলৰ পৰা মুকলি কৰি দিয়াৰ পিছতে বিচিবিয়ে ভাৰত ভ্ৰমণ কৰিবলৈ অস্বীকাৰ কৰিছে।
ক্ৰীড়া মন্ত্ৰালয়ৰ উপদেষ্টা আছিফ নাজৰুলৰ সৈতে আলোচনাৰ অন্তত বিচিবিয়ে পুনৰবাৰ আইচিচিলৈ এখন পত্ৰ প্ৰেৰণ কৰিছে।
আইচিচিয়ে এইটো জানিব বিচাৰিছিল কোনবোৰ ক্ষেত্ৰত নিৰাপত্তাজনিত সমস্যা আছে আৰু বিচিবিয়ে সেইবোৰ স্পষ্ট কৰি দিছে।
অৱশ্যে এই বিষয়ত এতিয়ালৈকে আন্তঃৰাষ্ট্ৰীয় ক্ৰিকেট পৰিষদে বিচক্ষণতাৰে মৌনতা অৱলম্বন কৰিছে আৰু ঢাকাস্থিত ব’ৰ্ডে উত্থাপন কৰা নিৰাপত্তাজনিত উদ্বেগৰ সঠিক প্ৰকৃতিৰ ওপৰত স্পষ্টতা বিচাৰিছে।
লগতে পঢ়ক: ‘দেশৰ মূল্যত কোনো ক্ৰিকেট নহয়’; ICC ৰ কথা নামানে বাংলাদেশে,কৰিছে নতুন পৰিকল্পনা
