সহকাৰী অধ্যাপকৰ পৰীক্ষাক লৈ যোগী চৰকাৰে এক ডাঙৰ সিদ্ধান্ত লৈছে। পৰীক্ষাত ৰিগিং আৰু অবৈধ ধন দাবীৰ বাবে বাতিল কৰা হ’ল পৰীক্ষা
উত্তৰ প্ৰদেশত বাতিল হৈছে সহকাৰী অধ্যাপকৰ পৰীক্ষা। আচলতে ইউ পি এছ টি এফে সহকাৰী অধ্যাপক পৰীক্ষাত ৰিগিং আৰু অবৈধ ধন দাবী ধৰা পেলাইছিল। ৰিগিঙৰ অভিযোগৰ পিছতে যোগী চৰকাৰে এই পৰীক্ষা বাতিল কৰাৰ সিদ্ধান্ত লয়।
এছটিএফক উত্তৰ প্ৰদেশ শিক্ষা সেৱা বাছনি আয়োগ,প্ৰয়াগৰাজৰ দ্বাৰা ৫১ নং বিজ্ঞাপনৰ অধীনত সহকাৰী অধ্যাপক পদৰ বাবে ২০২৫ চনৰ এপ্ৰিল মাহত অনুষ্ঠিত পৰীক্ষাত অনিয়ম, জালিয়াতি আৰু অবৈধ ধন দাবীৰ সৈতে জড়িত তথ্য লাভ কৰে। বিষয়টোৰ গুৰুত্বৰ প্ৰতি লক্ষ্য ৰাখি মুখ্যমন্ত্ৰী যোগী আদিত্যনাথে বিষয়টোৰ গোপনীয় তদন্তৰ নিৰ্দেশ দিয়ে।
লাভ কৰা তথ্যৰ ওপৰত তদন্ত আৰম্ভ কৰি ২০-০৪-২০২৫ তাৰিখে এছ.টি.এফে সহকাৰী অধ্যাপক পৰীক্ষাৰ ভুৱা প্ৰশ্নকাকত বনাই প্ৰাৰ্থীক প্ৰতাৰণা কৰা চক্ৰটোৰ তিনি অভিযুক্ত মেহবুব আলী, বৈজনাথ পাল আৰু বিনয় পালক গ্ৰেপ্তাৰ কৰা হয়।
অভিযুক্তৰ বিৰুদ্ধে পৰীক্ষাৰ ৰিগিং আৰু ধন দাবীৰ অভিযোগ উত্থাপন হৈছে। এই পৰীক্ষা ১৬-০৪-২০২৫ আৰু ১৭-০৪-২০২৫ তাৰিখে অনুষ্ঠিত হৈছিল।
এই গোচৰত এছটিএফে অভিযুক্তৰ বিৰুদ্ধে লক্ষ্ণৌত গোচৰ ৰুজু কৰে। তদন্তৰ নিৰপেক্ষতা আৰু গোপনীয়তা নিশ্চিত কৰাৰ বাবে আয়োগৰ তদানীন্তন অধ্যক্ষৰ পদত্যাগ গ্ৰহণ কৰা হয়।
তদন্তৰ অন্তত অভিযুক্তৰ সৈতে পোৱা একাংশ প্ৰাৰ্থীৰ মোবাইল নম্বৰৰ ভিত্তিতো আন বহু অভিযুক্তৰ নাম পোহৰলৈ আহে।
ইয়াৰ পিছতে আয়োগলৈ এখন পত্ৰ লিখি সন্দেহজনক প্ৰাৰ্থীৰ তথ্য বিচাৰিছিল। পৰীক্ষাত ৰিগিং নিশ্চিত হোৱাৰ পিছত চৰকাৰে বাতিল কৰাৰ সিদ্ধান্ত লয়।
লগতে পঢ়ক: ৰাজ্যৰ এইখন জিলাৰ ১০ জানুৱাৰীলৈকে বন্ধ থাকিব চৰকাৰী বে-চৰকাৰী বিদ্যালয়
