‘তেওঁ প্ৰশিক্ষক নহয়, তেওঁ এজন মেনেজাৰ’;গৌতম গম্ভীৰক লৈ কিংবদন্তি কপিল দেৱৰ বিস্ফোৰক মন্তব্য
ভাৰতৰ প্ৰথমজন বিশ্বকাপ বিজয়ী অধিনায়ক কপিল দেৱে গৌতম গম্ভীৰৰ কাম-কাজ শৈলীক লৈ হৈ থকা আলোচনাৰ মাজতে কয় যে, আজিৰ সময়ত মুখ্য প্ৰশিক্ষকৰ ভূমিকা প্ৰকৃততে প্ৰশিক্ষক কৰাতকৈ খেলুৱৈক ‘পৰিচালনা’ কৰাটোৱেই বেছি গুৰুত্বপূৰ্ণ।
দক্ষিণ আফ্ৰিকাৰ হাতত টেষ্ট শৃংখলাত ০-২ ত পৰাস্ত হোৱাৰ পাছত ভাৰতৰ মুখ্য প্ৰশিক্ষক হিচাপে গম্ভীৰ সমালোচনাৰ সন্মুখীন হৈছে আৰু খেলুৱৈক অহৰহ ঘূৰাই অস্থায়ী খেলুৱৈৰ ওপৰত নিৰ্ভৰ কৰা তেওঁৰ কৌশলে সমালোচনাৰ সন্মুখীন হৈছে।
কপিল দেৱে কৈছিল যে,সমসাময়িক ক্ৰিকেটত ‘প্ৰশিক্ষক’ শব্দটো প্ৰায়ে ভুলকৈ বুজা যায়। ইণ্ডিয়ান চেম্বাৰ অৱ কমাৰ্চ আই চি চিৰ শতবাৰ্ষিকী অধিবেশনত কপিলে কয়, ‘আজি সেই শব্দটো যাক প্ৰশিক্ষক বুলি কোৱা হয়।‘প্ৰশিক্ষক’ আজিৰ দিনত অতি সাধাৰণ শব্দ।গৌতম গম্ভীৰ প্ৰশিক্ষক হ’ব নোৱাৰে। তেওঁ টিম মেনেজাৰ হ’ব পাৰে।
তেওঁ লগতে কয় যে, ‘যেতিয়া আপুনি প্ৰশিক্ষক বুলি কয় তেন্তে প্ৰশিক্ষক সেই সকলক কয় যিয়ে বিদ্যালয় আৰু মহাবিদ্যালয়ত প্ৰশিক্ষণ দিয়ে। সেই সকল লোক মোৰ প্ৰশিক্ষক আছিল। তেওঁলোকে মোক মেনেজ কৰিব পাৰে। আপুনি কেনেকৈ প্ৰশিক্ষক হ’ব পাৰিব। গৌতম লেগ স্পিনাৰ বা উইকেটকীপাৰৰ প্ৰশিক্ষক কেনেকৈ হ’ব পাৰে?
তেওঁ আৰু কয়, ‘মই ভাবো তুমি মেনেজ কৰিব লাগিব।সেইটো অধিক গুৰুত্বপূৰ্ণ।এজন মেনেজাৰ হিচাপে আপুনি তেওঁলোকক উৎসাহিত কৰে যে আপুনি সেইটো কৰিব পাৰে কাৰণ আপুনি যেতিয়া মেনেজাৰ হয় তেতিয়া সৰু ল’ৰাবোৰে আপোনাক বিশ্বাস কৰে।’
লগতে পঢ়ক: শুভমান গিলৰ স্থানত সঞ্জু চেমছনে কৰিব অ’পেনিং! অন্তিম টি-২০ত গৌতম গম্ভীৰে আনিব পাৰে ডাঙৰ পৰিৱৰ্তন
