বিদেশৰ মাটিত হ’ব আই পি এল ২০২৬ৰ খেলুৱৈৰ নিলাম
ইণ্ডিয়ান প্ৰিমিয়াৰ লীগ ২০২৬ৰ নিলাম সন্দৰ্ভত ডাঙৰ খবৰ ওলাইছে। আই পি এল ২০২৬ৰ নিলামৰ তাৰিখ আৰু স্থান প্ৰকাশ পাইছে।
অহা ১৬ ডিচেম্বৰত আবুধাবিত অনুষ্ঠিত হ’ব আই পি এল ২০২৬ৰ নিলাম।বিদেশৰ মাটিত এইবাৰৰ সৈতে একেৰাহে তৃতীয়বাৰৰ বাবে অনুষ্ঠিত হ’ব আই পি এলৰ নিলাম।
২০২৪ চনত ডুবাইত এই নিলাম অনুষ্ঠিত হৈছিল, যিটো প্ৰথমবাৰলৈ হৈছিল যে, বিদেশী মাটিত নিলাম অনুষ্ঠিত হৈছিল।
ইয়াৰ পিছত ২০২৪ চনৰ নৱেম্বৰ মাহত ছৌদি আৰৱৰ জেদ্দাত ২০২৫ চনৰ ছিজনৰ বাবে দুদিনীয়া মেগা নিলাম অনুষ্ঠিত হয়।
এই আই পি এল ২০২৬ নিলাম মাত্ৰ এদিনৰ বাবে হ’ব, প্ৰতিটো মিনি নিলামত হয়। সকলো ফ্ৰেঞ্চাইজিয়ে ২০২৫ চনৰ ছিজনৰ দলৰ পৰা কোন কোন খেলুৱৈক মুকলি আৰু ৰিটাৰ্ণ কৰিব লাগিব,ইয়াৰ চূড়ান্ত তালিকা ভাৰতীয় সময় অনুসৰি ১৫ নৱেম্বৰৰ বিয়লি ৩ বজাৰ ভিতৰত দাখিল কৰিব লাগিব।
ইয়াৰ পিছত ব’ৰ্ডে ফ্ৰেঞ্চাইজিসমূহলৈ পঞ্জীয়নভুক্ত খেলুৱৈৰ তালিকা প্ৰেৰণ কৰিব। ইয়াৰ পিছত সকলো দলে খেলুৱৈক চৰ্টলিষ্ট কৰিব আৰু এইদৰে নিলামৰ পুল নিৰ্ধাৰণ কৰা হ’ব।
ট্ৰেডিং উইণ্ডো নিলামৰ এসপ্তাহ আগলৈকে খোলা থাকিব ।ইয়াৰ পিছত পুনৰ আৰম্ভ হ’ব আৰু আই পি এল ২০২৬ আৰম্ভ হোৱাৰ এমাহ আগলৈকে চলি থাকিব।অৱশ্যে ২০২৬ চনৰ নিলামত ক্ৰয় কৰা কোনো খেলুৱৈক দলসমূহে ব্যৱসায় কৰিব নোৱাৰিব।
লগতে পঢ়ক: অক্ষৰ পেটেল নে কুলদীপ যাদৱ? দক্ষিণ আফ্ৰিকাৰ বিৰুদ্ধে প্লেয়িং একাদশত কোনে পাব স্থান
