অক্ষৰ পেটেল নে কুলদীপ যাদৱ?
ভাৰতীয় টেষ্টৰ অধিনায়ক শুভমান গিলে দক্ষিণ আফ্ৰিকাৰ বিৰুদ্ধে প্ৰথমখন টেষ্ট মেচৰ বাবে প্লেয়িং একাদশৰ ঘোষণা কৰা নাই।
শুকুৰবাৰৰ পৰা কলকাতাত অনুষ্ঠিত হ’বলগীয়া শৃংখলাৰ প্ৰথমখন টেষ্টৰ প্ৰাকক্ষণত যেতিয়া গিলক অক্ষৰ পেটেল আৰু কুলদীপ যাদৱৰ খেলৰ বিষয়ে সোধা হৈছিল, তেতিয়া তেওঁ এই প্ৰশ্নটো সহজেই এৰাই চলিছিল।
গিলে ক’লে যে আমি কাইলৈহে প্লেয়িং একাদশৰ কথা ক’ম।প্লেয়িং একাদশ অন্তৰ্ভুক্ত খেলুৱৈসকলক টছৰ সময়ত হে ঘোষণা কৰা হ’ব।
গিলে স্বীকাৰ কৰে যে দক্ষিণ আফ্ৰিকাৰ বিৰুদ্ধে প্ৰথমখন টেষ্টৰ পূৰ্বে ভাৰতে নিজৰ বলিং কম্বিনেচন সন্দৰ্ভত ‘সংঘাত’ৰ সন্মুখীন হৈছে।
অক্ষৰ পেটেলৰ অল ৰাউণ্ড ইউটিলিটি আৰু কুলদীপ যাদৱৰ উইকেট লোৱাৰ ক্ষমতাৰ মাজত প্ৰতিদ্বন্দ্বিতা আছে।
বেটিঙত গভীৰতাক অগ্ৰাধিকাৰ দিয়াৰ মুখ্য প্ৰশিক্ষক গৌতম গম্ভীৰৰ কৌশলে অক্ষৰক শক্তিশালী প্ৰতিদ্বন্দ্বী কৰি তুলিছে।
তথাপিও কুলদীপৰ ফৰ্ম আৰু গ্ৰুপত উইকেট লোৱাৰ ক্ষমতাই মেচখনৰ পুৱালৈকে আলোচনা মুকলি কৰি ৰাখিছে।ইডেন গাৰ্ডেনছত প্ৰথমখন টেষ্টৰ প্ৰাকক্ষণত গিলে কয়, ‘হয়, বছৰৰ এই সময়ত সদায় এটা দ্বিধাদ্বন্দ্ব থাকে যে অতিৰিক্ত অল-ৰাউণ্ডাৰ খেলিব নে অতিৰিক্ত স্পিনাৰ।
গতিকে মই ক’লো যে আমি ৰাতিপুৱা উইকেটটো চাম আৰু কোনটো কম্বিনেচনে আমাক টেষ্ট মেচত জয়ী হোৱাৰ সৰ্বোত্তম সুযোগ দিয়ে সেইটো নিৰ্ণয় কৰিম।
লগতে পঢ়ক: কেতিয়া হ’ব আই পি এল ২০২৬ৰ নিলাম? জানক ১০ দলৰ পাৰ্ছ ভেল্যু
