WPL মেগা নিলামৰ মাজতে আহি গ’ল সূচী
নতুন দিল্লীত চলি আছে মহিলা প্ৰিমিয়াৰ লীগ ( WPL) ৰ প্ৰথমটো মেগা নিলাম।এই নিলামত ভাৰতৰ দীপ্তি শৰ্মাই সৰ্বাধিক বিড লাভ কৰিছে।তেওঁক ইউ পি ৱাৰিয়ৰ্ছে ৩.২০ কোটি টকাত ক্ৰয় কৰিছে।
মুম্বাই ইণ্ডিয়ানছে ৩ কোটি টকাত তেওঁলোকৰ দলত যোগ কৰিলে নিউজিলেণ্ডৰ আমেলিয়া কেৰক।লগতে ২.৪০ কোটি টকাত শিখা পাণ্ডেক সংযোজন কৰে ইউ পিয়ে।
নিউজিলেণ্ডৰ ছফী ডেভাইনক ২ কোটি টকাত ক্ৰয় কৰিছে গুজৰাটে।দিল্লীক তিনিবাৰকৈ ফাইনেললৈ লৈ যোৱা অধিনায়ক মেগ লেনিঙে ১.৯০ কোটি টকাৰে ইউ পিৰ অংশ হৈ পৰে।
মধ্য প্ৰদেশৰ ভোপালৰ নিবাসী ৰাহিলা ফিৰদৌছক মুম্বাই ইণ্ডিয়ানে ১০ লাখ টকাত ক্ৰয় কৰিছে।ভাৰতীয় অল ৰাউণ্ডাৰ পূজা বষ্ট্ৰকাৰক ৮৫ লাখ টকাৰ সফল বিডেৰে ৰয়েল চেলেঞ্জাৰছ বাংগালুৰু দলত যোগ কৰা হৈছে।
মহিলা প্ৰিমিয়াৰ লীগ ২০২৬ ( WPL) ৰ নিলামৰ মাজতে বিচিচিআইয়ে ছিজনৰ সূচী সন্দৰ্ভত এক গুৰুত্বপূৰ্ণ ঘোষণা কৰিছে।৯ জানুৱাৰীৰ পৰা ৫ ফেব্ৰুৱাৰীলৈ অনুষ্ঠিত হ’ব মহিলা প্ৰিমিয়াৰ লীগ ২০২৬।
বিচিচিআইৰ তথ্য অনুসৰি অহা ছিজনৰ মেচসমূহ নৱী মুম্বাই আৰু বড়োদাৰাত অনুষ্ঠিত হ’ব।নৱী মুম্বাইৰ ডি ৱাই পাটিল ষ্টেডিয়াম আৰু বড়োদাৰাৰ বি চি এ ষ্টেডিয়ামত খেল অনুষ্ঠিত হোৱাৰ লগতে তাতে ফাইনেল খেলখনো অনুষ্ঠিত হ’ব।
নৱী মুম্বাই যোৱা কেইবছৰমানৰ পৰা মহিলাৰ আন্তঃৰাষ্ট্ৰীয় মেচ আৰু মহিলা প্ৰিমিয়াৰ লীগৰ এক অতি গুৰুত্বপূৰ্ণ স্থান হিচাপে আত্মপ্ৰকাশ কৰিছে।মহিলা প্ৰিমিয়াৰ লীগ ২০২৬ লীগৰ চতুৰ্থ ছিজন হ’ব।
এই লীগ ২০২৩ চনত আৰম্ভ হৈছিল।যোৱা তিনিটা ছিজনত দুবাৰকৈ মুম্বাই ইণ্ডিয়ানছ চেম্পিয়ন হৈ পৰিছে,আনহাতে দিল্লী কেপিটেলছ তিনিওটা ছিজনতে ৰানাৰ্ছ আপ হৈ আছে।
লগতে পঢ়ক: টিম ইণ্ডিয়াৰ দুৰ্বল প্ৰদৰ্শনক লৈ দুখ প্ৰকাশ ঋষভ পণ্টৰ; সামাজিক মাধ্যমত আৱেগিক পোষ্ট
