পাকিস্তানত ভয়ংকৰ পৰিস্থিতি
পাকিস্তানত এক ভয়ংকৰ পৰিস্থিতিৰ সৃষ্টি হৈছে। লাহোৰ আৰু মুৰিডকেত তেহৰিক-ই-লাববাইক পাকিস্তানৰ প্ৰতিবাদকাৰী আৰু নিৰাপত্তা বাহিনীৰ মাজত হিংসাত্মক সংঘৰ্ষৰ সৃষ্টি হৈছে।
প্ৰতিবাদকাৰীৰ ওপৰত আৰক্ষীয়ে গুলীচালনা কৰাত ১০ জনতকৈ অধিক লোকৰ মৃত্যু ঘটিছে।নিৰাপত্তা বাহিনীয়ে অত্যাধুনিক অস্ত্ৰৰে গুলীচালনাৰ অভিযোগ উত্থাপন কৰিছে প্ৰতিবাদকাৰীসকলে।এই সংঘৰ্ষত ৫০জনৰো অধিক আৰক্ষীও আহত হয়।
উগ্ৰ ইছলামিক দল তেহৰিক-ই-লাববাইক পাকিস্তানে দাবী কৰিছিল যে আৰক্ষীয়ে তেওঁৰ সমৰ্থকলৈ গুলীচালনা কৰিছে।
কেৱল এয়াই নহয়, ৰেঞ্জাৰসকলে এখন বাহনেৰে ৭০ জনক খুন্দা মাৰে, যাৰ ফলত বহু লোকো আহত হৈছে। প্ৰতিবাদকাৰীৰ মতে, মুৰিডকেত আৰক্ষী আৰু ৰেঞ্জাৰসকলে নিৰ্বিচাৰ গুলীচালনা কৰিছে।
লগতে পঢ়ক: ইজৰাইলী পণবন্দীসকলৰ সৈতে হেণ্ডঅভাৰ ছাইটত উপস্থিত হামাছ….
