AAP নেতা সৌৰভ ভৰদ্বাজ আৰু সত্যেন্দ্ৰ জৈনৰ বিপদ
দিল্লী চৰকাৰৰ প্ৰাক্তন মন্ত্ৰী আৰু আম আদমী পাৰ্টি(AAP)ৰ নেতা সৌৰভ ভৰদ্বাজ আৰু সত্যেন্দ্ৰ জৈনৰ বিপদ আকৌ এবাৰ বাঢ়িব পাৰে।
আচলতে ৰাজধানী দিল্লীৰ চিকিৎসালয় প্ৰকল্পত পলম আৰু ব্যয় বৃদ্ধিৰ বিষয়ত দুৰ্নীতি বিৰোধী শাখাই এফআইআৰ পঞ্জীয়ন কৰিছে।
দিল্লীৰ লেফটেনেণ্ট গৱৰ্ণৰ ভি কে ছাক্সেনাৰ পৰামৰ্শ মতে কেন্দ্ৰীয় গৃহ মন্ত্ৰালয়ে তদন্তৰ নিৰ্দেশ দিছে।কথিত চিকিৎসালয় কেলেংকাৰি সন্দৰ্ভত AAP ৰ প্ৰাক্তন স্বাস্থ্যমন্ত্ৰী সৌৰভ ভৰদ্বাজ আৰু সত্যেন্দ্ৰ জৈনৰ বিৰুদ্ধে এই বিষয়টো তদন্ত কৰিব এচিবিয়ে।
মন কৰিবলগীয়া যে ২০২৪ চনৰ ২২ আগষ্টত এই বিষয়ত বিজেপি নেতা বিজেন্দ্ৰ গুপ্তাই এজাহাৰ দাখিল কৰিছিল।
এই বিষয়ৰ তদন্তত প্ৰকাশ পাইছে যে ২৪খন চিকিৎসালয়ৰ প্ৰকল্পৰ ব্যয় ভয়ংকৰভাৱে বৃদ্ধি পাইছে। ৬৮০০ বিচনা ক্ষমতাসম্পন্ন ৭টা আই চি ইউ নিৰ্মাণৰ বাবে ১১২৫ কোটি টকাৰ অনুমোদন দিয়া হৈছিল।
কিন্তু প্ৰাথমিক তদন্তত প্ৰকাশ পাইছে যে তিনি বছৰৰ পাছতো কামৰ মাত্ৰ ৫০ শতাংশ কাম সম্পূৰ্ণ হৈছে আৰু ইয়াৰ বাবে প্ৰায় ৮০০ কোটি টকা ব্যয় হৈছে।
ইয়াৰ নিৰ্মাণৰ বাবে ৬ মাহৰ সময়সীমা নিৰ্ধাৰণ কৰা হৈছিল। ইয়াৰ উপৰিও ২০১৮-১৯ বৰ্ষত ৫৫৯০ কোটি টকা ব্যয়েৰে নিৰ্মাণ হ’বলগীয়া ২৪টা চিকিৎসালয় প্ৰকল্প (১১খন গ্ৰীণফিল্ড আৰু ১৩টা ব্ৰাউনফিল্ড) পলম আৰু ব্যয় বৃদ্ধি হৈছে।
ACB এ আৰম্ভ কৰিছে তদন্ত
এল এন জে পি চিকিৎসালয়ৰ নতুন ব্লক নিৰ্মাণৰ বাবে ৪৮৮ কোটি টকা অনুমোদন কৰা হৈছিল, যিটো এতিয়া ১১৩৫ কোটি টকালৈ বৃদ্ধি পাইছে। অৱশ্যে চিকিৎসালয়খনৰ কাম এতিয়াও আধৰুৱা হৈ আছে।
ইয়াৰ বাহিৰেও ৯৪টা পলিক্লিনিকৰ ভিতৰত মাত্ৰ ৫২খন পলিক্লিনিক নিৰ্মাণ কৰা হৈছে। ইয়াৰ খৰচো ১৬৮ কোটিৰ পৰা ২২০ কোটিলৈ বৃদ্ধি পাইছে, ইয়াৰে বহু পলিক্লিনিক এতিয়াও বন্ধ হৈ আছে।
অনুমোদন অবিহনে জ্ৱালাপুৰী আৰু মাডিপুৰৰ চিকিৎসালয়সমূহত অতিৰিক্ত নির্মাণ সম্পন্ন কৰা হয়৷ ২০২২ চনৰ নৱেম্বৰৰ ভিতৰত মাডিপুৰ চিকিৎসালয়খনৰ কাম সম্পূৰ্ণ হোৱাৰ কথা আছিল যদিও এতিয়াও ইয়াৰ কাম আধৰুৱা হৈ আছে।
এনে পৰিস্থিতিত এতিয়া এচিবিয়ে প্রাক্তন মন্ত্রী, সংশ্লিষ্ট বিষয়া আৰু ব্যক্তিগত ঠিকাদাৰৰ ভূমিকা সন্দর্ভত গভীৰ তদন্ত আৰম্ভ কৰিছে৷
লগতে পঢ়ক: সমাজবাদী পাৰ্টিৰ ৩ গৰাকী বিদ্ৰোহী বিধায়কক দলৰ পৰা বহিষ্কাৰ
