এই বিদেশ ভ্ৰমণৰ বাবে অধিনায়ক ৰিয়ান পৰাগ
অসম সন্তান তথা ক্ৰিকেটাৰ ৰিয়ান পৰাগে ইণ্ডিয়ান প্ৰিমিয়াৰ লীগৰ ১৮ সংখ্যক ছিজনৰ বহু মেচত ৰাজস্থান ৰয়েলছৰ অধিনায়ৰ দায়িত্ব পালন কৰিছিল । অৱশ্যে ৰাজস্থান ৰয়েলছ দলটো এই প্ৰতিযোগিতাৰ প্লে অফৰ পৰা বাহিৰ হোৱা তৃতীয়টো দল আছিল । তেওঁৰ দলৰ প্ৰদৰ্শন বৰ ভাল নাছিল । ইয়াৰ পিছতে এতিয়া পৰাগে অধিনায়ক হিচাপে নামিবিয়া ভ্ৰমণলৈ যাব, য’ত অসম ক্ৰিকেট দলে ৫খনীয়া মেচৰ এদিনীয়া শৃংখলা খেলিব ।
অসম ক্ৰিকেট দলে নামিবিয়া ভ্ৰমণ কৰিব, য’ত দুয়োটা দলৰ মাজত ৫খনীয়া মেচৰ এদিনীয়া শৃংখলা অনুষ্ঠিত হ’ব । এই শৃংখলা দুয়োটা দলৰ যুৱ খেলুৱৈৰ বাবে গুৰুত্বপূৰ্ণ হ’ব, ই হ’ব নিজৰ দক্ষতা প্ৰদৰ্শনৰ এক মঞ্চ । অসম দলত যুৱ আৰু অভিজ্ঞ খেলুৱৈৰ মিশ্ৰণ আছে । দলটোত ইয়াত আকাশ সেনগুপ্ত, পাৰভেজ মুশ্বাৰফ আৰু ডানিছ দাসৰ দলে খেলুৱৈ আছে । এই দলৰ অধিনায়ক ৰিয়ান পৰাগ ।
নামিবিয়া ক্ৰিকেট দলো দুৰ্বল দল নহয় । অসম দলক কঠিন প্ৰত্যাহ্বান দিবলৈ সাজু হৈছে নামিবিয়া । এই দলটোৰ অধিনায়ক হ’ব জেৰাৰ্ড ইৰাছমাছ ।
অসম বনাম নামিবিয়া এদিনীয়া শৃংখলাৰ সূচী-
অসম ক্ৰিকেট দল আৰু নামিবিয়া ক্ৰিকেট দলৰ মাজত ৫ খনীয়া এদিনীয়া খেলৰ শৃংখলা অনুষ্ঠিত হ’ব । ২১ জুনত অনুষ্ঠিত হ’ব প্ৰথমখন মেচ । ২৩ জুনত অনুষ্ঠিত হ’ব দ্বিতীয়খন এদিনীয়া । তৃতীয় আৰু চতুৰ্থ মেচ ২৫ আৰু ২৭ জুনত অনুষ্ঠিত হ’ব । শৃংখলাৰ অন্তিমখন মেচ ২৯ জুনত অনুষ্ঠিত হ’ব । শৃংখলাৰ সকলো মেচ এফ এন বি ক্ৰিকেট খেলপথাৰত অনুষ্ঠিত হ’ব ।
২০২৫ চনৰ আই পি এলত ১৪খন মেচত ৩৯৩ ৰান সংগ্ৰহ কৰিছিল ৰিয়ান পৰাগে, তেওঁৰ ষ্ট্ৰাইক ৰেট আছিল ১৬৬.৫২ । এই ছিজনত তেওঁৰ বেটৰ পৰা মাত্ৰ এটাহে অৰ্ধশত আহে । এই ইনিংছ তেওঁ কলকাতা নাইট ৰাইডাৰ্ছৰ বিৰুদ্ধে খেলিছিল, য’ত তেওঁ ইডেন গাৰ্ডেনছত ৯৫ ৰান সংগ্ৰহ কৰিছিল ।
২০১৯ চনত ৰাজস্থানৰ হৈ পৰাগে অভিষেক ঘটায়, তেতিয়াৰ পৰাই তেওঁ এই ফ্ৰেঞ্চাইজিৰ অংশ হৈ আহিছে । তেওঁ মুঠ ৮৪খন মেচত ১৫৬৬ ৰান সংগ্ৰহ কৰিছে ।
ৰিয়ান পৰাগৰ ঘৰুৱা কেৰিয়াৰৰ কথা ক’বলৈ গ’লে তেওঁ ৩৩খন প্ৰথম শ্ৰেণীৰ মেচত ২০৪২ ৰান সংগ্ৰহ কৰিছে । তেওঁ ৫০ খন লিষ্ট এ মেচত ১৭৩৫ ৰান সংগ্ৰহ কৰিছে । লগতে তেওঁৰ নামত আছে ৫৩-৫৩ উইকেট । ইয়াৰ উপৰিও ১৩৭ খন টি-২০ মেচত ৩১১৫ ৰান সংগ্ৰহ কৰি ৪৮ টা উইকেট দখল কৰিছে তেওঁ ।
ৰিয়ান পৰাগ আন্তঃৰাষ্ট্ৰীয় কেৰিয়াৰ-
ভাৰতীয় ক্ৰিকেট দলৰ হৈ ১খন এদিনীয়া আন্তঃৰাষ্ট্ৰীয় মেচ খেলিছে ৰিয়ান পৰাগে । এই মেচত তেওঁ ১৫ ৰান সংগ্ৰহ কৰাৰ লগতে ৩ উইকেট দখল কৰিছে । ইয়াৰ উপৰিও তেওঁ ৯ খন টি-২০ আন্তঃৰাষ্ট্ৰীয় মেচত ৬ টা ইনিংছত ১০৬ ৰান সংগ্ৰহ কৰি ৪ উইকেট দখল কৰিছে ।
লগতে পঢ়ক : মাত্ৰ ২৯ বছৰ বয়সতে আন্তঃৰাষ্ট্ৰীয় ক্ৰিকেটৰ পৰা অৱসৰ ল’লে এইগৰাকী বিস্ফোৰক বেটছমেনে…
