প্ৰধানমন্ত্ৰী নৰেন্দ্ৰ মোদীয়ে বিশ্ব বন্যপ্ৰাণী দিৱস উপলক্ষে সোমবাৰে পুৱা গুজৰাটৰ জুনাগড় জিলাৰ গিৰ ৰাষ্ট্ৰীয় উদ্যানত জংঘল চাফাৰী উপভোগ কৰে।
সোমনাথৰ পৰা অহাৰ পিছত, প্ৰধানমন্ত্ৰী মোদীয়ে চাচাঙৰ বন অতিথিশালা ‘সিংহ সদন’ত নিশাটো কটাই।প্ৰধানমন্ত্ৰী গৰাকীয়ে দেওবাৰে সন্ধিয়া সোমনাথ মন্দিৰত মহাদেৱক পূজা অৰ্চনা কৰিছিল।
পুৱাই প্ৰধানমন্ত্ৰী গৰাকীয়ে সিংহ সদনৰ পৰা জংঘল চাফাৰী কৰিবলৈ যায়। সেইসময়ত কেইবাজনমান মন্ত্ৰী আৰু বন বিভাগৰ জ্যেষ্ঠ বিষয়াও উপস্থিত আছিল।
প্ৰধানমন্ত্ৰী মোডীয়ে চাচাংগীৰৰ গিৰ ৰাষ্ট্ৰীয় উদ্যানৰ মুখ্য কাৰ্যালয়ত ৰাষ্ট্ৰীয় বন্যপ্ৰাণী পৰিষদৰ (এনডব্লিউবিএল)সৈতে সপ্তম বৈঠকতো সভাপতিত্ব কৰিব।
এনবিডব্লিউএলত ৪৭ জন সদস্য আছে, যাৰ ভিতৰত আছে সেনা প্ৰধান, বিভিন্ন ৰাজ্যৰ সদস্য, অঞ্চলটোত কাম কৰা বেচৰকাৰী সংগঠনৰ প্ৰতিনিধি, মুখ্য বন্যপ্ৰাণী ৱাৰ্ডেন, আৰু বিভিন্ন ৰাজ্যৰ সচিব।
বৈঠকৰ পিছত, মোদীয়ে চাচানৰ কিছু সংখ্যক মহিলা বন কৰ্মচাৰীৰ সৈতেও কথা পাতিব।প্ৰধানমন্ত্ৰী মোদীয়ে গিৰ ৰাষ্ট্ৰীয় উদ্যানত কেইবাখনো ফটো তুলিছিল। তেওঁ সিংহৰ তোলা ফটোবোৰ শ্বেয়াৰ কৰিছে।
এক চৰকাৰী বিবৃতিত কোৱা হৈছে যে কেন্দ্ৰীয় চৰকাৰে এছিয়াৰ সিংহ সংৰক্ষণৰ বাবে ‘প্ৰজেক্ট লায়ন’ৰ অধীনত ২,৯০০ কোটি টকাতকৈও অধিক অনুমোদন জনাইছে।
এই সিংহবোৰৰ একমাত্ৰ বাসস্থান হৈছে গুজৰাট।বিবৃতিটোত কোৱা হৈছে যে বৰ্তমান, এছিয়াৰ সিংহবোৰে গুজৰাটৰ নখন জিলাৰ ৫৩ টা তালুকত প্ৰায় ৩০,০০০ বৰ্গ কিলোমিটাৰ বাস কৰে।
