সীমান্তৰ উত্তেজনাক লৈ দেওবাৰে বাংলাদেশৰ বৈদেশিক মন্ত্ৰালয়ে ভাৰতীয় উচ্চায়ুক্ত প্ৰণয় বাৰ্মাক চমন কৰে । ঢাকাই ভাৰত-বাংলাদেশ সীমান্তৰ পাঁচটা স্থানত ভাৰতে দ্বিপাক্ষিক চুক্তি উলংঘা কৰি বেৰ লগোৱাৰ চেষ্টা কৰা বুলি অভিযোগ উত্থাপন কৰাৰ কিছু ঘণ্টাৰ পাছতেই এই ঘটনা সংঘটিত হয় ।
বৈদেশিক সচিবৰ সৈতে বৈঠক ভাৰতীয় উচ্চায়ুক্তৰ-
বিয়লি প্ৰায় ৩ বজাত ভাৰতীয় উচ্চায়ুক্ত প্ৰণয় বাৰ্মা বাংলাদেশৰ বৈদেশিক মন্ত্ৰালয়ত প্ৰৱেশ কৰা দেখা যায় । বৈদেশিক সচিব জাছিম উদ্দিনৰ সৈতে তেওঁৰ বৈঠক প্ৰায় ৪৫ মিনিট ধৰি চলিছিল । যদিও আলোচনা সন্দৰ্ভত অন্তৱৰ্তীকালীন চৰকাৰে কোনো আনুষ্ঠানিক বিবৃতি প্ৰকাশ কৰা নাই, তথাপিও বিষয়াসকলে নিশ্চিত কৰিছে যে ভাৰতৰ ৰাষ্ট্ৰদূতজনক মাতি অনা হৈছে ।
BSF আৰু BGB-ৰ মাজত আলোচনা চলি আছে- প্ৰণয় বাৰ্মা
বৈঠকৰ পৰা ওলাই অহাৰ পাছত সংবাদ মাধ্যমৰ সৈতে হোৱা কথা-বতৰাত প্ৰণয় বাৰ্মাই কয় যে নিৰাপত্তাৰ বাবে সীমান্তত বেৰ দিয়াৰ সন্দৰ্ভত ঢাকা আৰু নতুন দিল্লীৰ মাজত এক চুক্তি আছে । ‘আমাৰ দুয়োটা সীমান্তৰক্ষী বাহিনী – বি এছ এফ আৰু বি জি বি (সীমা সুৰক্ষা বাহিনী আৰু সীমান্তৰক্ষী বাংলাদেশ) – এই সন্দৰ্ভত আলোচনাত মিলিত হৈছে । আমি আশা কৰোঁ যে এই সহমতি কাৰ্যকৰী হ’ব আৰু সীমান্তৰ অপৰাধৰ মোকাবিলা কৰিবলৈ সহযোগিতামূলক পন্থা গ্ৰহণ কৰা হ’ব ।
বাংলাদেশৰ নিজৰ অভিযোগত কি ক’লে ?
ইয়াৰ পূৰ্বে গৃহ পৰিক্ৰমা উপদেষ্টা লেফটেনেণ্ট জেনেৰেল (অৱসৰপ্ৰাপ্ত) জাহাংগীৰ আলম চৌধুৰীয়ে কয় যে সীমান্তৰ বাংলাদেশ আৰু স্থানীয় ৰাইজৰ তীব্ৰ বিৰোধিতাৰ বাবে ভাৰতে সীমান্তত কাঁইটীয়া তাঁৰৰ বেৰ স্থাপনৰ কাম বন্ধ কৰি দিছে । সংবাদ মাধ্যমৰ ব্রিফিঙত ভাষণ দি তেওঁ কয় যে পূর্বৰ চৰকাৰৰ কার্যকালত স্বাক্ষৰিত কিছু অসমান চুক্তিৰ বাবে ‘বাংলাদেশ-ভাৰত সীমান্তত বহু সমস্যাৰ সৃষ্টি হৈছে’ ৷ কিন্তু আমাৰ জনসাধাৰণ আৰু বি জি বিৰ প্ৰচেষ্টাত ভাৰতে কাঁইটীয়া তাঁৰৰ বেৰ স্থাপনকে ধৰি কিছুমান কাম বন্ধ কৰিবলৈ বাধ্য হৈছে । তেওঁ কয় যে বাংলাদেশ আৰু ভাৰতৰ সীমান্তৰ কাম-কাজ নিয়ন্ত্ৰণৰ বাবে চাৰিখন বুজাবুজি চুক্তি আছে ।
