পুৰণিক বিদায় দি সকলোৱে আদৰি ল’লে এটা নতুন বৰ্ষ । সমগ্ৰ বিশ্বই নতুন বছৰ উদযাপন কৰিছে । ইফালে মহাকাশতো উদযাপন কৰা হৈছে নৱবৰ্ষ । বৰ্তমান মহাকাশচাৰী সুনীতা উইলিয়ামছ মহাকাশত আছে । নৱবৰ্ষত সুনীতা উইলিয়ামছ আৰু তেওঁৰ দলটোৱে ১৬টা সূৰ্য্য উদয় আৰু ১৬টা সূৰ্যাস্তৰ সাক্ষী হ’ব ।
এয়া হ’ব কাৰণ তেওঁ বৰ্তমান আন্তঃৰাষ্ট্ৰীয় মহাকাশ কেন্দ্ৰ (আই এছ এছ)ত আছে । আই এছ এছ অবিৰতভাৱে ঘূৰি থাকে । মহাকাশ কেন্দ্ৰটো প্ৰতি ৯০ মিনিটৰ মূৰে মূৰে পৃথিৱীৰ চাৰিওফালে ঘূৰি থাকে । ইয়াৰ বাবেহে এয়া সম্ভৱ হ’ব । এই ষ্টেচনত সুনীতা আৰু তেওঁৰ সতীৰ্থ মহাকাশচাৰীসকলে বহুবাৰ সূৰ্য্য উদয় আৰু সূৰ্যাস্ত দেখা পায় । এই তথ্য মহাকাশ কেন্দ্ৰটোৱে দিছে ।
উইলিয়ামছে ইয়াৰ পূৰ্বেও এনে এক অনন্য অভিজ্ঞতাৰ অংশ হোৱাৰ বাবে আনন্দ প্ৰকাশ কৰি এই স্থানক তেওঁৰ “সুখী ঠাই” বুলি অভিহিত কৰিছে ।
আই এছ এছে ছচিয়েল মিডিয়াত দিলে তথ্য-
সুনিতা উইলিয়ামছৰ লগতে এলেক্সি অভচিনিন, বুশ্ব উইলম’ৰ, ইভান ৱেগনাৰ, ডন পেটিট, আলেকজেণ্ডাৰ গ’ৰবুনভ আৰু নিক হেগো মহাকাশত আবদ্ধ হৈ আছে । অৱশ্যে সুনীতা উইলিয়ামছে পৃথিৱীৰ সৈতে কথা-বতৰা অব্যাহত ৰাখিছে ।
ISS এ X ত এটা পোষ্টত লিখিছে যে যিহেতু ২০২৪ আজি শেষ হ’ব । এই দলটোৱে নতুন বছৰৰ আৰম্ভণিতে ১৬টা সূৰ্য্য উদয় আৰু সূৰ্যাস্তৰ সাক্ষী হ’ব ।
