এছিয়া কাপ, চেম্পিয়নছ ট্ৰফীৰ ওপৰত চকু…জানক ২০২৫ বৰ্ষৰ বাবে ভাৰতীয় দলৰ খেলৰ সূচী

January 1, 2025

আজিৰে পৰা আৰম্ভ হৈছে এটা নতুন বছৰ । পুৰণিক বিদায় দি ২০২৫ বৰ্ষক সমগ্ৰ বিশ্বতে আনন্দ-উলাহেৰে আদৰণি জনোৱা হৈছে । যোৱা বছৰটো ভাৰতীয় ক্ৰিকেটৰ বাবে আছিল মিশ্ৰিত ফলাফলেৰে ভৰা । এই বছৰটোতে ভাৰতীয় দলটোৱে টি-২০ ইণ্টাৰনেশ্যনেলত আলোড়নৰ সৃষ্টি কৰি টি-২০ বিশ্বকাপৰ খিতাপ দখল কৰে । কিন্তু, এদিনীয়া আৰু টেষ্টত দলটোৱে বহু বিপৰ্যয়ৰ সন্মুখীন হ’ব লগা হয় । এই দুয়োটা ফৰ্মেটতে ভাৰতীয় দলে শোচনীয় প্ৰদৰ্শন আগবঢোৱা পৰিলক্ষিত হয় ।

২০২৪ চনৰ অন্তিমখন টেষ্ট মেলবৰ্ণত অষ্ট্ৰেলিয়াৰ বিৰুদ্ধে খেলিছিল, য’ত ভাৰত ১৮৪ ৰানত পৰাস্ত হয় । এতিয়া ভাৰতীয় দলটোৱে ২০২৪ চনৰ এই তিক্ত স্মৃতিবোৰ পাহৰি ২০২৫ চনক অতি উৎসাহেৰে আদৰণি জনাইছে ।

ছিডনী টেষ্টৰ জৰিয়তে আৰম্ভণি হ’ব নতুন বছৰৰ

একে সময়তে, ভাৰতীয় দলটোৱে নতুন বছৰটো জয়েৰে আৰম্ভ কৰিব বিচৰাৰ লগতে ডাঙৰ খিতাপ জিকিব বিচাৰে । টীম ইণ্ডিয়াই চিডনী টেষ্টত অষ্ট্ৰেলিয়াৰ বিৰুদ্ধে নতুন বছৰৰ প্ৰথমখন খেল খেলিব লাগিব । এইখন হ’ব বৰ্ডাৰ-গাভাস্কাৰ ট্ৰফীৰ অধীনত দুয়োটা দলৰ মাজত পাঁচখনীয়া খেলৰ শৃংখলাৰ অন্তিমখন টেষ্ট । বৰ্তমান, অষ্ট্ৰেলিয়া এই শৃংখলাত ২-১ ত আগবাঢ়ি আছে ।

২০২৫ চনত ভাৰতীয় দলৰ প্ৰথমখন নতুন শৃংখলা হ’ব ইংলেণ্ডৰ বিৰুদ্ধে । ইংৰাজ দলটোৱে জোছ বাটলাৰৰ অধিনায়কত্বত ভাৰত ভ্ৰমণ কৰিব, য’ত দুয়োটা দলৰ মাজত ৫খন টি-২০ আৰু ৩খন এদিনীয়া মেচৰ খেল অনুষ্ঠিত হ’ব । ইয়াৰ পিছত ভাৰতীয় দলটোৱে এইবাৰ চেম্পিয়নছ ট্ৰফী আৰু এছিয়া কাপো খেলিব লাগিব ।

তদুপৰি চলিত বৰ্ষৰ ১১-১৫ জুনৰ ভিতৰত অনুষ্ঠিত হ’ব আই চি চি ৱৰ্ল্ড টেষ্ট চেম্পিয়নশ্বিপৰ ফাইনেল । ভাৰতীয় দলটোৱে যদি যোগ্যতা অৰ্জন কৰে তেন্তে ইয়াৰ প্ৰথম খিতাপ জয় কৰাৰ সুযোগ থাকিব । ২০২৫ চনত ভাৰতীয় দলৰ সূচী কি হ’ব জানক….

২০২৫ চনত ভাৰতীয় দলৰ সম্পূৰ্ণ সূচী –

৩-৭ জানুৱাৰী- ভাৰত বনাম অষ্ট্ৰেলিয়া, ছিডনী টেষ্ট (শৃংখলাৰ শেষ টেষ্ট)

ইংলেণ্ডৰ ভাৰত ভ্ৰমণ-

১ম টি-২০- ২২ জানুৱাৰী- কলকাতা

২য় টি২০- ২৫ জানুৱাৰী- চেন্নাই

৩য় টি২০- ২৮ জানুৱাৰী- ৰাজকোট

৪ৰ্থ টি২০- ৩১ জানুৱাৰী- পুনে

৫ম টি২০- ২ ফেব্ৰুৱাৰী- মুম্বাই

১ম এদিনীয়া- ৬ ফেব্ৰুৱাৰী- নাগপুৰ

২য় এদিনীয়া- ৯ ফেব্ৰুৱাৰী- কটক

৩য় এদিনীয়া- ১২ ফেব্ৰুৱাৰী- আহমেদাবাদ

চেম্পিয়নছ ট্ৰফী ২০২৫ (ফেব্ৰুৱাৰী-মাৰ্চ)-