এছিয়া কাপৰ ফাইনেলত প্ৰৱেশ ভাৰতৰ

এছিয়া কাপ ২০২৫ৰ ছুপাৰ ফোৰত বুধবাৰে বাংলাদেশক ৪১ ৰানত পৰাস্ত কৰে টিম ইণ্ডিয়াই । এই জয়েৰে ভাৰত চলিত এছিয়া কাপৰ ফাইনেলত প্ৰৱেশ কৰা প্ৰথমটো দল হিচাপে পৰিগণিত হয় । বাংলাদেশে টছত জয়লাভ কৰি ভাৰতক প্ৰথমে বেটিং কৰিবলৈ আমন্ত্ৰণ জনায় । বাংলাদেশক ভাৰতে ১৬৯ ৰানৰ লক্ষ্য নিৰ্ধাৰণ কৰিছিল যদিও দলটোৱে ১২৭ ৰানতে ইনিংছ সামৰিবলৈ বাধ্য হয় ।

এই মেচখনৰ পাছত ভাৰত আৰু বাংলাদেশৰ মাজত এখনকৈ মেচ বাকী আছে । ভাৰতৰ পৰৱৰ্তী খেলখন শ্ৰীলংকাৰ বিৰুদ্ধে, আনহাতে বৃহস্পতিবাৰে বাংলাদেশে পাকিস্তানৰ বিৰুদ্ধে খেলিব । অৰ্থাৎ ফাইনেলত প্ৰৱেশ কৰা দ্বিতীয়টো দল কোন হ’ব সেয়া নিৰ্ণয় হ’বলৈ সকলোৰে দৃষ্টি পাকিস্তান-বাংলাদেশৰ খেলখনৰ ওপৰত থাকিব । অৱশ্যে ভাৰতে ফাইনেলত প্ৰৱেশ কৰাৰ বিপৰীতে এছিয়া কাপৰ পৰা শ্ৰীলংকা বাহিৰ হৈছে ।

বাংলাদেশৰ ইনিংছ-

১৬৯ ৰানৰ লক্ষ্য খেদি ইনিংছ আৰম্ভ কৰা বাংলাদেশৰ আৰম্ভণি দুৰ্বল আছিল । দ্বিতীয় অভাৰত যশপ্ৰীত বুমৰাহে প্ৰথমটো আঘাত দিয়ে বাংলাদেশক । তানজিদক আউট কৰে বুমৰাহে । ইয়াৰ পিছত ছাইফ আৰু পাৰভেজে এক শক্তিশালী অংশীদাৰিত্ব গঢ়ি তোলে । অৱশ্যে কুলদীপ যাদৱে পাৰভেজক আউট কৰি নিজৰ  প্ৰথম অভাৰতে এই অংশীদাৰিত্ব ভংগ কৰে । ইয়াৰ পাছতে অক্ষৰ পেটেলে দশম অভাৰত তৌহিদক আউট কৰে । ইয়াৰ পিছত বৰুণ আৰু কুলদীপে বিধ্বংসী ৰূপ ধাৰণ কৰে আৰু বাংলাদেশে বেক টু বেক উইকেট হেৰুৱায় । বাংলাদেশ ১২৭ ৰানত অল আউট হয় । কুলদীপে তিনিটা উইকেট দখল কৰাৰ বিপৰীতে বুমৰাহ আৰু বৰুণ চক্ৰৱৰ্তীয়ে দুটাকৈ উইকেট দখল কৰে ।

বাংলাদেশৰ উইকেট পতন :

১-৪ (তাঞ্জিদ হাছান তামিম, ১.২ অভাৰ), ২-৪৬ (পাৰভেজ হোছেইন ইমন, ৬.২ অভাৰ), ৩-৬৫ (তৌহীদ হৃদয়, ৯.৪ অভাৰ), ৪-৭৪ (ছামিম হোছেইন, ১০.৪ অভাৰ), ৫-৮৭ (জাকাৰ আলী, ১২.৩ অভাৰ), ৬-১০৯ (মহম্মদ ছাইফুদ্দিন, ১৫.২ অভাৰ), ৭-১১২ (ৰিছাদ হোছেইন, ১৬.১), ৮-১১২ (তাঞ্জিম হাছান ছাকিব, ১৬.২ অভাৰ), ৯-১১৬ (ছৈফ হাছান, ১৭.২), ১০-১২৭ (মুস্তাফিজুৰ ৰহমান, ১৯.৩)

ভাৰতৰ প্ৰদৰ্শন-

প্ৰথমে বেটিং কৰিবলৈ অহা ভাৰতৰ আৰম্ভণি ভাল নাছিল । প্ৰথম অভাৰত গীল আৰু অভিষেকে মাত্ৰ ৩ ৰান সংযোজন কৰে । ইয়াৰ পিছত বাংলাদেশী বলাৰসকল আক্ৰমণাত্মক হৈ পৰে । অভিষেকক সতৰ্ক যেন লাগিছিল যদিও চতুৰ্থ অভাৰত গীলে ছয় আৰু চাৰি মাৰিবলৈ আৰম্ভ কৰে । অভিষেকো আক্ৰমণাত্মক হৈ পৰে । ৫ অভাৰৰ অন্তত ভাৰতৰ স্ক’ৰ এটাও উইকেট নেহেৰুৱাকৈ ৫৫ ৰান আছিল । অৱশ্যে সপ্তম অভাৰত ভাৰতে প্ৰথমটো বিপৰ্যয়ৰ সন্মুখীন হ’বলগীয়া হয় যেতিয়া গীলক ৰিয়াজে ২৯ ৰানত আউট কৰে । আনটো মূৰত থিয় হৈ থকা অভিষেকে ২৫টা বলত অৰ্ধ শতক সম্পূৰ্ণ কৰে ।

কিন্তু নৱম অভাৰত ভাৰতে দ্বিতীয়টো বিপৰ্যয়ৰ সন্মুখীন হ’বলগীয়া হয় যেতিয়া শিৱম ডুবে ২ ৰানতে আউট হয় । ১২ নং অভাৰত ৩৭টা বলত ৭৫ ৰান সংগ্ৰহ কৰি অভিষেক শৰ্মা ৰান আউট হোৱাৰ লগে লগে ভাৰত তৃতীয়টো বিপৰ্যয়ৰ সন্মুখীন হ’বলগীয়া হয় । সূৰ্যকুমাৰ যাদৱেও একেটা অভাৰতে নিজৰ উইকেট হেৰুৱাই । তিলক বাৰ্মাও কম সময়তে আউট হয় । তিলাকে মাত্ৰ ৫ ৰানহে কৰিবলৈ সক্ষম হয় । অৱশ্যে হাৰ্দিক আৰু অক্ষৰে ভাল অংশীদাৰিত্ব গঢ়ি তুলি ভাৰতৰ স্ক’ৰ ১৬৮লৈ বৃদ্ধি কৰে ।

ভাৰতৰ উইকেট পতন :

১-৭৭ (শুভমন গীল, ৬.২ অভাৰ), ২-৮৩ (শিৱম ডুবে, ৮.১ অভাৰ), ৩-১১২ (অভিষেক শৰ্মা, ১১.১ অভাৰ), ৪-১১৪ (সূৰ্য্যকুমাৰ যাদৱ, ১১.৬ অভাৰ), ৫-১২৯ (তিলক ভাৰ্মা, ১৪.৩ অভাৰ), ৬-১৬৮ (হৰ্দিক পাণ্ডিয়া, ১৯.৬ অভাৰ )

ফাইনেলৰ সমীকৰণ-

বাংলাদেশক পৰাস্ত কৰি ফাইনেলত স্থান দখল কৰিছে ভাৰতে । শ্ৰীলংকা প্ৰতিযোগিতাৰ পৰা বাহিৰ হৈছে । ইফালে বৃহস্পতিবাৰৰ পাকিস্তান বনাম বাংলাদেশৰ খেলখন ফাইনেলৰ বাবে ছেমি ফাইনেল হ’ব । যিটো দলে জয়লাভ কৰে ফাইনেলৰ প্ৰতিদ্বন্দ্বী হ’ব আৰু ২৮ ছেপ্টেম্বৰত ভাৰতৰ বিৰুদ্ধে খেলিব ।

লগতে পঢ়ক : ‘কাৰণ নোহোৱাকৈয়ে উচটনি দিছিল,সেইবাবেই শিক্ষা দিলো’; পাকিস্তানৰ বিৰুদ্ধে বিজয়ৰ পিছতে অভিষেক শৰ্মাৰ বিস্ফোৰক ভাষ্য

এছিয়া কাপত ভাৰত-পাকিস্তানৰ আন এক সংঘৰ্ষ নিশ্চিত

বুধবাৰে পাকিস্তান আৰু ইউ এ ইৰ মাজত অনুষ্ঠিত এছিয়া কাপৰ দশমখন খেলত পাকিস্তানে ৪১ ৰানত জয়লাভ কৰে । এই জয়েৰে পাকিস্তানে ছুপাৰ ফোৰৰ বাবে যোগ্যতা অৰ্জন কৰাৰ বিপৰীতে আয়োজক ইউ এ ইৰ যাত্ৰা এই প্ৰতিযোগিতাত এতিয়া শেষ হৈছে । এছিয়া কাপত টিম ইণ্ডিয়া আৰু পাকিস্তানে গ্ৰুপ এৰ পৰা ছুপাৰ ফোৰৰ বাবে যোগ্যতা অৰ্জন কৰিছে । ইয়াৰ ফলত ভাৰত আৰু পাকিস্তানৰ মাজত পুনৰ সংঘৰ্ষৰ পথ মুকলি হৈছে । ২১ ছেপ্টেম্বৰ দেওবাৰে ডুবাইত অনুষ্ঠিত হ’ব দুয়োটা দলৰ মাজত পৰৱৰ্তী মেচ ।

ভাৰত আৰু পাকিস্তানৰ মাজত আন এক সংঘৰ্ষ-

এইবাৰ এছিয়া কাপত ৮টা দলে অংশ লৈছিল । এই দলসমূহক দুটা পৃথক গোটত ভাগ কৰা হৈছিল । প্ৰতিটো গ্ৰুপৰ পৰা মুঠ চাৰিটা দল ছুপাৰ ফোৰৰ বাবে নিৰ্বাচিত হ’ব লাগিছিল । গ্ৰুপ এত আছিল ভাৰত, পাকিস্তান, ইউ এ ই আৰু ওমান । ইতিমধ্যে ভাৰতে প্ৰথমখন খেলৰ দুয়োখন খেলতে জয়লাভ কৰি ছুপাৰ ফোৰৰ বাবে যোগ্যতা অৰ্জন কৰিছিল । ইতিমধ্যে ওমানক বাহিৰ হৈছে । প্লে অফৰ বাবে পাকিস্তান আৰু ইউ এ ইৰ মাজত তীব্ৰ প্ৰতিদ্বন্দ্বিতা হৈছিল । অৱশ্যে এই মেচত পাকিস্তানে জয়লাভ কৰি এতিয়া ভাৰতৰ মুখামুখি হ’ব ।

ভাৰতে পাকিস্তানক ৭ উইকেটত পৰাস্ত কৰে-

এই প্ৰতিযোগিতাত দেওবাৰে ভাৰত আৰু পাকিস্তানে গ্ৰুপ পৰ্যায়ৰ মেচ খেলিছিল । এই খেলখনত টিম ইণ্ডিয়াই ৭ উইকেটত জয়লাভ কৰে । কিন্তু ভাৰতীয় খেলুৱৈয়ে পাকিস্তানী খেলুৱৈৰ সৈতে হাত মিলাবলৈ অস্বীকাৰ কৰাত মেচখন বিতৰ্কিত সোমাই পৰে । আপত্তি দাখিল কৰিলে পাকিস্তানে । পি চি বিয়ে আই চি চিক এই মেচৰ ৰেফাৰী এণ্ডি পাইক্ৰফ্টক প্ৰতিযোগিতাখনৰ পৰা অপসাৰণ কৰাৰ দাবী জনায় ।

অৱশ্যে আই চি চিয়ে পাকিস্তানৰ দাবী অস্বীকাৰ কৰে । ইয়াৰ পিছতে পাকিস্তানী দলটোৱে ইউ এ ইৰ বিৰুদ্ধে খেলখনৰ পূৰ্বে মেচ বৰ্জনৰ ভাবুকি দিয়ে । অৱশ্যে দলটো এঘণ্টা পলমকৈ ষ্টেডিয়ামত উপস্থিত হয় আৰু মেচখন অনুষ্ঠিত হয় ।

ভাৰত আৰু পাকিস্তানৰ অভিযান-

এই প্ৰতিযোগিতাত ভাৰত আৰু পাকিস্তানৰ যাত্ৰাৰ কথা চিন্তা কৰি টিম ইণ্ডিয়াই ইউ এ ইৰ বিৰুদ্ধে অভিযান আৰম্ভ কৰে । এই খেলখনত সূৰ্য ব্ৰিগেডে বৃহৎ ব্যৱধানত জয়লাভ কৰে । দ্বিতীয়খন খেলত ভাৰতে পাকিস্তানক ৭ উইকেটত পৰাস্ত কৰে । শুকুৰবাৰে টিম ইণ্ডিয়াই গ্ৰুপ পৰ্যায়ৰ অন্তিমখন খেলত ওমানৰ বিৰুদ্ধে খেলিব ।

পাকিস্তানে ওমানৰ বিৰুদ্ধে অভিযান আৰম্ভ কৰিছিল, মেচখনত জয়লাভ কৰিছিল । দ্বিতীয়খন মেচত পাকিস্তান পৰাস্ত হোৱাৰ বিপৰীতে তৃতীয়খন মেচত ইউ এ ইৰ বিৰুদ্ধে পাকিস্তানে জয়লাভ কৰে । ইফালে এই প্ৰতিযোগিতাত ইউ এ ইৰ দুটা পৰাজয় আৰু এটা জয়ৰ বিপৰীতে ওমানে এই পৰ্যন্ত দুয়োখন মেচতে পৰাস্ত হৈছে ।

লগতে পঢ়ক : বিশ্ব এথলেটিকছ চেম্পিয়নশ্বিপৰ ফাইনেলত প্ৰৱেশ নীৰজ চোপ্ৰা; প্ৰথম থ্ৰ’তে যোগ্যতা অৰ্জন

আই চি চিয়ে নাকচ কৰিলে পাকিস্তানৰ দাবী

১৪ ছেপ্টেম্বৰত ভাৰত আৰু পাকিস্তানৰ মাজত অনুষ্ঠিত হোৱা মেচত ৰেফাৰী হিচাপে থকা মেচ ৰেফাৰী এণ্ডি পাইক্ৰফ্টক অপসাৰণৰ দাবী জনাইছিল পাকিস্তানী দলে । পিচিবি (পাকিস্তান ক্ৰিকেট ব’ৰ্ড)ৰ অভিযোগ যে ভাৰতীয় দলটোৱে এণ্ডিৰ কাৰণে হাত হেণ্ডশ্বেক কৰা নাছিল । কিন্তু আই চি চিয়ে ইয়াক সম্পূৰ্ণৰূপে নাকচ কৰিছে । এছিয়া কাপৰ পৰা মেচ ৰেফাৰী এণ্ডি পাইক্ৰফ্টক অপসাৰণ কৰিবলৈ পাকিস্তান ক্ৰিকেট ব’ৰ্ডৰ দাবী নাকচ কৰিছে আন্তঃৰাষ্ট্ৰীয় ক্ৰিকেট পৰিষদে । বিষয়টোৰ তদন্তৰ অন্তত আই চি চিয়ে এই সিদ্ধান্তৰ বিষয়ে পিচিবিক অৱগত কৰিছে ।

পাকিস্তানে ইয়াক খেলৰ মনোভাৱৰ প্ৰতি অসন্মান বুলি গণ্য কৰি বুধবাৰে (১৭ ছেপ্টেম্বৰ) ইউ এ ইৰ বিৰুদ্ধে খেলখনৰ পৰা আঁতৰি অহাৰ হুংকাৰ দিয়ে । পিচিবিয়ে এণ্ডিক আই চি চি (আন্তঃৰাষ্ট্ৰীয় ক্ৰিকেট পৰিষদ)ৰ পৰা অপসাৰণৰ দাবী জনাইছিল ।

১৪ ছেপ্টেম্বৰত ডুবাইত অনুষ্ঠিত ভাৰত-পাকিস্তানৰ খেলৰ সময়ত এই হেণ্ডশ্বেক বিতৰ্ক চৰ্চালৈ আহিছিল । টছৰ সময়ত ভাৰতীয় দলৰ অধিনায়ক সূৰ্য কুমাৰ যাদৱে পাকিস্তানী অধিনায়ক ছলমান আঘাক হেণ্ডশ্বেক কৰা নাছিল । মেচ শেষ হোৱাৰ পিছতো পাকিস্তানী দললৈ উভতিও নোছোৱাকৈ সূৰ্যই শিৱম ডুবেৰ সৈতে পোনে পোনে পেভিলিয়নলৈ উভতি যাই ।

ইয়াৰ পাছতে পাকিস্তানে ইউ এ ইৰ সৈতে থকা খেলখন বৰ্জন কৰিব বুলি ভাবুকি দিছে । তেওঁলোকে কৈছিল যে ভাৰত-পাকিস্তানৰ খেলৰ সময়ত ৰেফাৰী হিচাপে থকা এণ্ডি পাইক্ৰফ্টক অপসাৰণ কৰিব লাগে । কিন্তু এতিয়া আই চি চিয়ে পাইক্ৰফ্ট আঁতৰাবলৈ অস্বীকাৰ কৰিছে । এনে পৰিস্থিতিত এতিয়া পাকিস্তানী দলটোৱে এছিয়া কাপৰ পৰা আঁতৰি যাব নেকি বুলি প্ৰশ্ন উত্থাপন হৈছে ।

এছিয়া কাপত ইউ এ ইৰ বিৰুদ্ধে খেলিব নে নেখেলে পাকিস্তান দলে ?

এতিয়া প্ৰশ্ন হ’ল পাকিস্তান দলটোৱে ইউ এ ইৰ বিৰুদ্ধে খেলিব নে নেখেল ? কাৰণ তেওঁলোকে নেখেলাৰ অৰ্থ হ’ল এছিয়া কাপত তেওঁলোকৰ যাত্ৰা শেষ । আচলতে মঙলবাৰে (১৫ ছেপ্টেম্বৰ) ইউ এ ইয়ে ওমানক ৪২ ৰানত পৰাস্ত কৰে । যাৰ বাবে গ্ৰুপ এত থকা ওমান প্ৰতিযোগিতাখনৰ পৰা বাহিৰ হয় । ইতিমধ্যে ভাৰতীয় দলে ছুপাৰ-৪ৰ বাবে যোগ্যতা অৰ্জন কৰিছে । ইউ এ ইও এতিয়া ছুপাৰ-৪ৰ দৌৰত আছে ।

ওমান বাহিৰ হোৱাৰ লগে লগে ভাৰত প্ৰথমে ছুপাৰ-৪ত প্ৰৱেশ কৰে । কিন্তু ইয়াৰ ফলত শুকুৰবাৰে (১৯ ছেপ্টেম্বৰ) ভাৰত আৰু ওমানৰ মাজত অনুষ্ঠিত হ’বলগীয়া পৰৱৰ্তী মেচখন অকাৰ্যকৰী হৈ পৰিছে ।

অঘটন ঘটাব নেকি ইউ এ ইয়ে ?  

বুধবাৰে (১৭ ছেপ্টেম্বৰ) ইউ এ ইৰ সৈতে খেলখন বৰ্জন কৰাৰ ভাবুকি দিছিল পাকিস্তানে । য’ত এণ্ডি পাইক্ৰফ্ট মেচ ৰেফাৰী । এই মেচখন ইউ এ ই আৰু পাকিস্তান দুয়োৰে বাবে গুৰুত্বপূৰ্ণ । কাৰণ এই মেচত জয়ৰ অৰ্থ হ’ল পোনপটীয়াকৈ ছুপাৰ ৪ত উপনীত হোৱা । যদি ইউ এ ইয়ে অঘটন ঘটাই পাকিস্তানক পৰাস্ত কৰে, তেন্তে ভাৰতৰ সৈতে ছুপাৰ-৪ খেলা দেখা যাব । তাৰ পিছত দেওবাৰে (২১ ছেপ্টেম্বৰ) ভাৰতে ইউ এ ইৰ বিৰুদ্ধে খেলিব, যিটো আগতে ভাৰত আৰু পাকিস্তানৰ মাজত হোৱা যেন লাগিছিল ।

উল্লেখ্যযে পিচিবিৰ মুৰব্বী মহছিন নাকভিয়ে এক্সত নিজৰ ক্ষোভ উজাৰিছিল য’ত পিচিবিয়ে আই চি চিত অভিযোগ দাখিল কৰিছিল আৰু মেচ ৰেফাৰীক এছিয়া কাপৰ পৰা শীঘ্ৰে অপসাৰণ কৰাৰ দাবী জনাইছিল । আচলতে অধিনায়ক সূৰ্য্য আৰু টিম ইণ্ডিয়াই পাকিস্তানী দলৰ লগত মিলোৱা নাছিল । ইয়াৰ পিছত পিচিবিয়ে এই বিষয়ত এচিচি আৰু আই চি চিক অভিযোগ কৰে । পাকিস্তানে বিশ্বাস কৰিছিল যে ভাৰতে খেলৰ মনোভাৱ উলংঘা কৰিছে আৰু এই সকলোবোৰ মেচ ৰেফাৰীৰ প্ৰৰোচনাৰ বাবেই ঘটিছিল ।

লগতে পঢ়ক : এছিয়া কাপৰ ছুপাৰ-৪ৰ বাবে যোগ্যতা অৰ্জন টিম ইণ্ডিয়াৰ… নিৰ্বাপিত হোৱাৰ পথত পাকিস্তানৰ আশা