৯ এপ্ৰিলত ৰাজ্যত বিধানসভাৰ নিৰ্বাচন অনুষ্ঠিত হ’ব। নিৰ্বাচনক লৈ প্ৰচাৰ চলাই থকাৰ মাজতে বিধায়ক অখিল গগৈয়ে এক গুৰুত্বপূৰ্ণ মন্তব্য কৰিছে।
সমাগত নিৰ্বাচনক লৈ সকলো ৰাজনৈতিক দলৰেই প্ৰচাৰ তুংগত উঠিছে। তাৰ মাজতে বিধায়ক অখিল গগৈয়ে এইবাৰৰ বিধানসভাৰ নিৰ্বাচন যে তেওঁৰ বাবে সহজ নহয় তাৰ ইংগিত দিছে। অখিল গগৈয়ে কয় যে, ২১ ৰ নিৰ্বাচন আৰু এইবাৰৰ নিৰ্বাচনৰ মাজত আকাশ পাতাল পাৰ্থক্য আছে।দুয়োটা নিৰ্বাচনক তুলনা কৰাটো প্ৰায় অসম্ভৱ।
অখিল গগৈয়ে লগতে কয় যে, যোৱাবাৰ নিৰ্বাচনত ৰাইজে কল্পনা কৰি লোৱা মানুহজনক ভোট দিছিল।কিন্তু এইবাৰৰ নিৰ্বাচনত ৰাইজে বাস্তৱ মানুহজনক চাই ভোট দিব। সেই কাৰণে ২১ৰ নিৰ্বাচন আৰু ২৬ নিৰ্বাচন পাৰ্থক্য কৰাটো মোৰ পক্ষে সম্ভৱপৰ নহয়। দুয়োটা নিৰ্বাচনৰ ভোটাৰৰ আৱেগ-অনুভৱ আৰু চৰিত্ৰ বেলেগ। ২১ চনৰ নিৰ্বাচনত মোৰ কোনো পৰিকল্পনা বুলি একো নাছিল বুলিও অখিল গগৈয়ে উল্লেখ কৰে।
লগতে পঢ়ক: ‘অখিল গগৈয়ে আনে নকৰা বেয়াৰ উদাহৰণ স্থাপন কৰে’; মুখ্যমন্ত্ৰী
