এই বছৰ আয়োগে সেৱা আবণ্টন আৰু ডিজিটেল সুৰক্ষাৰ ক্ষেত্ৰত যথেষ্ট পৰিৱৰ্তন সাধন কৰিছে । ইউ পি এছ চিয়ে গ্ৰুপ এ সেৱাৰ বাবে নিৰ্বাচিত হোৱাৰ পিছত ২০২৬ চনত পুনৰ পৰীক্ষাত অৱতীৰ্ণ হ’ব বিচৰা পৰীক্ষাৰ্থীসকলৰ বাবেও নিয়ম সংশোধন কৰিছে ।
কেন্দ্ৰীয় লোকসেৱা আয়োগে ২০২৬ চনৰ ৪ ফেব্ৰুৱাৰীত অসামৰিক সেৱা পৰীক্ষাৰ বাবে এই অধিসূচনা প্ৰকাশ কৰিছে । এই বছৰ আয়োগে সেৱা আবণ্টন আৰু ডিজিটেল সুৰক্ষাৰ ক্ষেত্ৰত যথেষ্ট পৰিৱৰ্তন সাধন কৰিছে । আই পি এছৰ বাবে নিয়মসমূহ অধিক স্পষ্ট আৰু কঠোৰ কৰা হৈছে ।
যদি কোনো প্ৰাৰ্থী ইতিমধ্যে আই পি এছৰ বাবে নিৰ্বাচিত হৈছে তেন্তে চি এছ ই ২০২৬ৰ জৰিয়তে আই পি এছৰ বাবে বিকল্প নিৰ্বাচন কৰিব নোৱাৰিব । তদুপৰি সেৱা আগবঢ়োৱা আই এ এছ আৰু আই এফ এছ বিষয়াসকলে এই পৰীক্ষাত অৱতীৰ্ণ হ’ব নোৱাৰিব । যদি মেইনছ পৰীক্ষাৰ পূৰ্বে এই সেৱাসমূহত কোনো প্ৰাৰ্থী নিযুক্তি দিয়া হয় তেন্তে তেওঁলোকক মূল পৰীক্ষাত উপস্থিত থাকিবলৈ অনুমতি দিয়া নহ’ব ।
চি এছ ই ২০২৫ বা তাৰ পূৰ্বে কোনো সেৱাত যোগদান কৰা প্ৰাৰ্থীসকলক ২০২৬ বা ২০২৭ চনত তেওঁলোকৰ বাকী থকা প্ৰচেষ্টাসমূহ ব্যৱহাৰ কৰিবলৈ এটা চূড়ান্ত সুযোগ (পদত্যাগ নকৰাকৈ) দিয়া হৈছে ।
এই প্ৰাৰ্থীসকলৰ বাবে সলনি কৰা হৈছে নিয়ম-
ইউ পি এছ চিয়ে গ্ৰুপ এ সেৱাৰ বাবে নিৰ্বাচিত হোৱাৰ পিছত ২০২৬ চনত পুনৰ পৰীক্ষাত অৱতীৰ্ণ হ’ব বিচৰা পৰীক্ষাৰ্থীসকলৰ বাবেও নিয়ম সংশোধন কৰিছে । এনে পৰীক্ষাৰ্থীয়ে সংশ্লিষ্ট বিভাগৰ পৰা প্ৰশিক্ষণৰ ৰেহাই লাভ কৰিলেহে পৰীক্ষাত অৱতীৰ্ণ হ’ব পাৰিব । কিন্তু যদিহে তেওঁলোকে প্ৰশিক্ষণত উপস্থিত নাথাকে আৰু ৰেহাই বিচৰা নাই তেন্তে তেওঁলোকৰ ২০২৬ চনৰ আবেদন বাতিল কৰা হ’ব । তদুপৰি ২০২৭ চনত যদি পুনৰ সফল হয় তেন্তে দুয়োটা সেৱাৰ ভিতৰত এটা বাছি ল’ব লাগিব আৰু আনটো বাতিল বুলি গণ্য কৰা হ’ব ।
ইয়াৰ উপৰিও পৰীক্ষাৰ জালিয়াতি ৰোধ কৰিবলৈ এ আই ভিত্তিক মুখ চিনাক্তকৰণ আৰু আধাৰ পৰীক্ষণ বাধ্যতামূলক কৰা হৈছে । এতিয়া প্ৰাৰ্থীসকলে চাৰিটা স্তৰৰ নতুন পৰ্টেলত পঞ্জীয়ন কৰিব লাগিব, যিটো পৰ্টেল সম্পূৰ্ণৰূপে আধাৰ সংযুক্ত হ’ব ।
উল্লেখ্য যে, ভাৰতীয় প্ৰশাসনিক সেৱা (আই এ এছ)ৰ বাবে আবেদন কৰা প্ৰাৰ্থীসকলে ভাৰতৰ কোনো স্বীকৃতিপ্ৰাপ্ত বিশ্ববিদ্যালয়ৰ পৰা যিকোনো বিষয়ত স্নাতক ডিগ্ৰী লাভ কৰিব লাগিব । ভাৰতীয় বন সেৱাৰ (আই এফ এছ) প্ৰাৰ্থীয়ে পশুপালন, পশু চিকিৎসা বিজ্ঞান, উদ্ভিদ বিজ্ঞান, ৰসায়ন বিজ্ঞান, ভূতত্ত্ব, গণিত, পদাৰ্থ বিজ্ঞান, পৰিসংখ্যা, প্ৰাণীবিজ্ঞান আৰু কৃষি আদি বিষয়ত স্নাতক ডিগ্ৰী লাভ কৰিব লাগিব ।
লগতে পঢ়ক : ‘আমি ন্যায় পোৱা নাই’; SIR ৰ সন্দৰ্ভত উচ্চতম ন্যায়ালয়ত মমতা বেনাৰ্জী
