পশ্চিম বংগত ভোটাৰ তালিকাক লৈ চলি থকা বিবাদে উচ্চতম ন্যায়ালয়ত প্ৰৱেশ কৰিছে। বুধবাৰে মুখ্যমন্ত্ৰী মমতা বেনাৰ্জীয়ে আদালতত নিজৰ মতামত দাঙি ধৰে।
পশ্চিম বংগৰ মুখ্যমন্ত্ৰী মমতা বেনাৰ্জীয়ে ব্যক্তিগতভাৱে উচ্চতম ন্যায়ালয়ত উপস্থিত হৈ ৰাজ্যখনত চলি থকা SIR প্ৰক্ৰিয়াৰ বিৰুদ্ধে যুক্তি দাঙি ধৰে আৰু আদালতত নিজৰ মতামত দাঙি ধৰে।
ভাৰতৰ নিৰ্বাচন আয়োগৰ বিৰুদ্ধে SIR প্ৰক্ৰিয়াক প্ৰত্যাহ্বান জনাই উচ্চতম ন্যায়ালয়ত দাখিল কৰা এখন আবেদনৰ শুনানি আজি গ্ৰহণ কৰা হয়।
মুখ্য ন্যায়াধীশ সূৰ্য কান্তৰ নেতৃত্বত থকা বিচাৰপীঠে এই আবেদনৰ শুনানি গ্ৰহণ কৰিছে আৰু আদালতে এই বিষয়ত নিৰ্বাচন আয়োগক জাননী জাৰি কৰিছে।এই গোচৰৰ পৰৱৰ্তী শুনানি ৯ ফেব্ৰুৱাৰী সোমবাৰে অনুষ্ঠিত হ’ব।
বুধবাৰে উচ্চতম ন্যায়ালয়ত মমতা বেনাৰ্জীয়ে কয় যে তেওঁ ন্যায়ৰ বাবে আদালতলৈ আহিছে। কাৰণ তেওঁ ন্যায় পোৱা নাই।
তেওঁ অভিযোগ কৰে যে তেওঁ নিৰ্বাচন আয়োগক সকলো তথ্য জনাইছে,কিন্তু তেওঁৰ কথা কোনোও শুনা নাছিল।এই সন্দৰ্ভত চিজেআইয়ে স্পষ্ট কৰি দিলে যে আপোনাৰ নতুন আবেদনখনত নিশ্চিতভাৱে কিছুমান নতুন বিষয় আছে,কিন্তু যিবোৰ কথা আপোনালেকে কৈ আছে, সেইবোৰ ইতিমধ্যে আপোনাৰ অধিবক্তাই আদালতৰ সন্মুখত দাখিল কৰিছে।
শুনানিৰ সময়ত মমতা বেনাৰ্জীয়ে ৰবীন্দ্ৰনাথ ঠাকুৰৰ বানান পৰিৱৰ্তনৰ কথা উল্লেখ কৰি গণতন্ত্ৰ আৰু নাগৰিক অধিকাৰৰ বিষয়ে কয়।
তেওঁ অভিযোগ কৰে যে নিৰ্বাচনৰ ঠিক আগতে পশ্চিম বংগক লক্ষ্য কৰি লোৱা হৈছে আৰু ৰাজ্যত বৃহৎ পৰিসৰত ভোটাৰৰ নাম তালিকাৰ পৰা আঁতৰোৱা হৈছে।
লগতে পঢ়ক: ‘বিশ্বাসঘাতক বন্ধু’; ৰৱনীত বিট্টু সন্দৰ্ভত ৰাহুল গান্ধীৰ বিতৰ্কিত মন্তব্য
