দক্ষিণ আফ্ৰিকা মহিলা ক্ৰিকেট দলৰ বিৰুদ্ধে পাঁচখনীয়া টি-২০ শৃংখলাৰ বাবে অসমৰ উইকেটকীপাৰ বেটছমেন উমা চেত্ৰীৰ ভাৰতীয় মহিলা ক্ৰিকেট দললৈ নিৰ্বাচিত
অহা ১৭ এপ্ৰিলৰ পৰা ডাৰবানত আৰম্ভ হ’বলগীয়া দক্ষিণ আফ্ৰিকা মহিলা ক্ৰিকেট দলৰ বিৰুদ্ধে পাঁচখনীয়া টি-২০ শৃংখলাৰ বাবে অসমৰ উইকেটকীপাৰ বেটছমেন উমা চেত্ৰীয়ে ভাৰতীয় মহিলা ক্ৰিকেট দললৈ নিৰ্বাচিত হৈছে । শেহতীয়াকৈ অষ্ট্ৰেলিয়াৰ বিৰুদ্ধে অনুষ্ঠিত হোৱা টি-২০ শৃংখলাত অন্তৰ্ভূক্ত নোহোৱাক উমা চেত্ৰীক ২৪ মাৰ্চত ভাৰতীয় ক্ৰিকেট নিয়ন্ত্ৰণ ব’ৰ্ডে ঘোষণা কৰা দলটোলৈ পুনৰ আমন্ত্ৰণ জনাইছে ।
দক্ষিণ আফ্ৰিকাৰ বিৰুদ্ধে এই দলটোক নেতৃত্ব দিব হৰমনপ্ৰীত কৌৰে । লগতে এই দলত স্মৃতি মান্ধানা, শ্বেফালী বাৰ্মা আৰু জেমিমাহ ৰড্ৰিগোজৰ দৰে গুৰুত্বপূৰ্ণ খেলুৱৈসকলকো অন্তৰ্ভুক্ত কৰা হৈছে । এই শৃংখলাটো ডাৰবান, জোহান্সবাৰ্গ আৰু বেনোনীত অনুষ্ঠিত হ’ব আৰু ইয়াৰ অন্তিমখন খেল ২৭ এপ্ৰিলত অনুষ্ঠিত হ’ব ।
উমা চেত্ৰীৰ প্ৰত্যাৱৰ্তনে ভাৰতীয় মহিলা ক্ৰিকেট দলৰ উইকেটকীপিং বিকল্পক অধিক শক্তিশালী কৰি তুলিছে । তেওঁ আন্তঃৰাষ্ট্ৰীয় পৰ্যায়ত ৰাজ্যখনক প্ৰতিনিধিত্ব কৰি থকাৰ লগে লগে অসম ক্ৰিকেটৰ বাবে এয়া আন এক গৌৰৱৰ মুহূৰ্ত হিচাপে চিহ্নিত হৈছে ।
লগতে পঢ়ক : আই পি এলৰ পৰা অৱসৰ সন্দৰ্ভত ধোনীয়ে প্ৰকাশ কৰিলে পৰিকল্পনা
