‘ৰৈ ৰৈ বিনালে’ৰ পাইৰেচী কৰা সকলৰ বিৰুদ্ধে কঠোৰ হ’ব চৰকাৰ’

ৰাজ্যৰ সকলো ছবিগৃহতে সগৌৰৱে চলি আছে অসমীয়াৰ হিয়াৰ আমঠু জুবিন গাৰ্গৰ অন্তিমখন ছবি ৰৈ ৰৈ বিনালে। কিন্তু তাৰ মাজতে একাংশ দুষ্কৃতিকাৰীয়ে ছবিখন মোবাইলত ৰেকৰ্ড কৰি ইউটিউবত দিছে।

এই পাইৰেচীক লৈ মুখ্যমন্ত্ৰী ড০ হিমন্ত বিশ্ব শৰ্মাই এক গুৰুত্বপূৰ্ণ মন্তব্য কৰিছে। মুখ্যমন্ত্ৰী গৰাকীয়ে কয় যে, ‘ৰৈ ৰৈ বিনালে’ৰ পাইৰেছী কৰা সকলৰ বিৰুদ্ধে কঠোৰ হ’ব চৰকাৰ।

পাইৰেচী কৰা সকল বিপদত পৰিব।দোষীক কঠোৰ পৰা শাস্তি প্ৰদান কৰা হ’ব।এইক্ষেত্ৰত চৰকাৰ অতিকৈ চিন্তিত। আৰক্ষী সকলকো কঠোৰ ব্যৱস্থা গ্ৰহণৰ নিৰ্দেশ দিয়া হৈছে।  

তেওঁ লগতে অসমৰ ৰাইজকো পাইৰেচী নকৰিবলৈ আহ্বান জনাইছে।যদি কোনোৱে এই কাম কৰা বুলি গম পায় তেনেহলে স্থানীয় থানাত খবৰ দিবলৈও আহ্বান জনাইছে।

লগতে পঢ়ক: ‘কংগ্ৰেছৰ বৰ্তমানৰ সভাপতিগৰাকী বাচ্চা হৈ আছে, তেওঁ ৰাজনীতি বুজি নাপায়’; মুখ্যমন্ত্ৰী

মুক্তিপালে জুবিন গাৰ্গৰ সপোনৰ ছবি ‘ৰৈ ৰৈ বিনালে’

অৱশেষত আজি মুক্তিপালে জুবিন গাৰ্গৰ সপোনৰ ছবি ৰৈ ৰৈ বিনালে।মুক্তিৰ লগে লগেই অভিলেখ ৰচিলে ছবিখনে।

ধলপুৱাতে ছবিখন চাবলৈ হিলদল ভাঙি ওলাই আহিছে দৰ্শক।প্ৰতিকূল বতৰকো নেওঁচি ৰাজ্যৰ ভিন্ন প্ৰান্তৰ ছবিগৃহত হিয়াৰ আমঠু গৰাকীৰ অন্তিমখন ছবি চাবলৈ আহিল দৰ্শক।  

 পুৱা ৪ বাজি ২৫ মিনিটৰ পৰাই আৰম্ভ হ’ল ছবিখনৰ প্ৰথম দৰ্শনী।৯০ বছৰীয়া অসমীয়া ছবিজগতৰ মাইলৰ খুটি হৈ ৰ’ব ছবিখন।ৰাজ্যৰ প্ৰায় প্ৰতিটো ছবিগৃহটো ৭ দিনৰ বাবে হাউচফুল।

‘ৰৈ ৰৈ বিনালে’ চাবলৈ আহি চকুলো টুকি ছবিগৃহত বাহিৰত অনুৰাগীয়ে গালে ‘মায়াবিনী’।চিনেমা হলত বহি কান্দোনত ভাগি পৰিল অনুৰাগী।ছবিগৃহতে সকলোৱে দিলে জয় জুবিনদাৰ ধ্বনি।

তাৰ মাজতে ঢেকীয়াজুলিৰ নক্ষত্ৰ ছবিগৃহত হাৰ্টথ্ৰৱ জুবিন গাৰ্গৰ বাবে এখন আসন সংৰক্ষণ কৰি ৰখা হ’ল। বিশেষ আসনত ৰখা জুবিনৰ প্ৰতিচ্ছবিৰ কাষত অনুৰাগীয়ে বহি চালে ‘ৰৈ ৰৈ বিনালে’।  

লগতে পঢ়ক: আৰু মাত্ৰ কেইটামান ঘন্টাৰ অপেক্ষা; ধলপুৱাতে ছবিগৃহত শুভমুক্তি পাব ৰৈ ৰৈ বিনালে

ধলপুৱাতে ছবিগৃহত শুভমুক্তি পাব ৰৈ ৰৈ বিনালে

কাইলৈ ছবিগৃহলৈ আহিব জুবিন গাৰ্গৰ সপোনৰ ছবি ‘ৰৈ ৰৈ বিনালে’। মুক্তিলাভৰ পূৰ্বেই ইতিমধ্যে অভিলেখ ভংগ কৰিছে ‘ৰৈ ৰৈ বিনালে’ ছবিখনে।

প্ৰতিগৰাকী দৰ্শকে ছবিখনৰ বাবে অধিক অপেক্ষাৰে বাট চাই আছে।অসমৰ লগতে দেশজুৰি মুক্তি পাব ছবিখনে।এসপ্তাহৰ বাবে ৰাজ্যৰ প্ৰতিটো ছবিগৃহৰে টিকট বিক্ৰী প্ৰায় শেষ হৈছে।  

 সমগ্ৰ ৰাজ্যত এতিয়া ৰৈ ৰৈ বিনালেৰ ধুমুহা। পুৱা ৪ বাজি ৪৫ মিনিটৰ পৰা আৰম্ভ হ’ব ‘ৰৈ ৰৈ বিনালে’ৰ দৰ্শনী। ধেমাজিৰ RR চিনেমাছত পুৱা ৪ বাজি ৪৫ মিনিটৰ পৰা আৰম্ভ হ’ব ‘ৰৈ ৰৈ বিনালে’ৰ দৰ্শনী।

মুক্তিৰ দিনটোতে গুৱাহাটীত প্ৰায় ১৭৯ টা দৰ্শনী ৰাখিছে ছবিগৃহ সমূহে। গুৱাহাটীৰ প্ৰতিটো চিত্ৰগৃহতে ‘ৰৈ ৰৈ বিনালে’ৰ হাউচফুল দৰ্শনী।

মুক্তিৰ পূৰ্বে ছবিখনে অভিলেখৰ পিছত অভিলেখ গঢ়িছে। ছবিগৃহত ৭ দিনলৈ হাউচফুল হ’ল জুবিন গাৰ্গৰ অন্তিমখন ছবি।

লগতে পঢ়ক: ঈশ্বৰ পুত্ৰ ইচ্ছা পুৰণ; লুইতৰ বুকুত বিলীন জুবিন গাৰ্গৰ চিতাভষ্ম

BookMyShowত ট্ৰেণ্ডিঙৰ শীৰ্ষত ৰৈ ৰৈ বিনালে

মুক্তিৰ পূৰ্বেই অভিলেখ ৰচিলে জুবিন গাৰ্গৰ সপোনৰ ছবি ৰৈ ৰৈ বিনালেয়ে। BookMyShowৰ চাৰ্চ লিষ্টত ট্ৰেণ্ডিঙৰ শীৰ্ষত আছে জুবিন গাৰ্গৰ অন্তিমখন ছবি ৰৈ ৰৈ বিনালে।২০খন দেশত ছবিখন চাবলৈ ব্যাকুল হৈ পৰিছে দৰ্শক।

ইতিমধ্যে কেইবাদিনলৈ অনলাইনৰ টিকটৰ বুকিং প্ৰায় শেষ হৈছে।পুৱা ৬.৩০ বজাৰ পৰা নিশা ১১ বজাৰলৈ সকলো শ্ব’ হাউচফুল। অসমত প্ৰথমবাৰলৈ কোনো বোলছবিৰ বাবে সৰ্বমুঠ ১৮ টাকৈ শ্ব’ দিয়া হৈছে।

অসমৰ সকলো ছবিগৃহত বাতিল কৰা হৈছে হিন্দী চিনেমাৰ শ্ব’। এডভান্স বুকিং মুকলিৰ কেইটামান মূহুৰ্তৰ পাছতেই টিকটৰ বাবে নাটনি হৈছে। ইতিমধ্যে গুৱাহাটীৰ প্ৰায়সমূহ হলতে SOLD OUT এডভান্স বুকিং।

৩১ অক্টোবৰত মুক্তিপাব বহু প্ৰত্যাশিত ছবি ৰৈ ৰৈ বিনালে। মুক্তিৰ পূৰ্বেই দক্ষিণৰ জনপ্ৰিয় ছবি কানটাৰাকো চেৰ পেলালে ৰৈ ৰৈ বিনালেয়ে।ৰাজ্যত এতিয়া কেৱল ‘ৰৈ ৰৈ বিনালে’ৰ ঢৌ।

লগতে পঢ়ক: মুক্তি পালে জুবিন গাৰ্গৰ সপোনৰ ছবি ‘ৰৈ ৰৈ বিনালে’ৰ ট্ৰেইলাৰ…