ৰৈ ৰৈ বিনালে’ উপভোগ কৰি কান্দোনত ভাগি পৰিল অনুৰাগী
এক ঐতিহাসীক ক্ষণৰ সাক্ষী হৈ ৰ’ল অসমবাসী। হিল-দ’ল ভাঙি প্ৰাণৰ শিল্পী গৰাকীৰ অভিনীত অন্তিম খন ছবি চাবলৈ ওলাই আহিল দৰ্শক।জুবিন গাৰ্গৰ সপোনৰ ছবি ‘ৰৈ ৰৈ বিনালে’ এ সৃষ্টি কৰিলে ইতিহাস।
পুৱতি নিশা ৪.২৫ বজাৰ লগে লগে মুক্তি পোৱাৰ লগে লগেই অসমীয়া ছবিজগতত এক নতুন ইতিহাস সৃষ্টি কৰিলে ছবিখনে।
পৰ্দাত শেষবাৰৰ বাবে হিয়াৰ আমঠু জুবিন গাৰ্গক দেখি চিঞৰি চিঞৰি কান্দিলে বহু দৰ্শকে।ছবিগৃহৰ পৰা ওলাই অহা যুৱক-যুৱতী, বুঢ়া, শিশু সকলোৰে চকুত কেৱল চকুপানী দেখিবলৈ পোৱা গ‘ল।
শেষবাৰৰ বাবেজুবিন গাৰ্গক চাই আহি তেওঁৰ অনুৰাগী সকলে কয় যে, জুবিন দাক যিয়ে মাৰিছে সব মৰি যাওক…বহুত বেয়াকৈ মৰি যাওক…শাও দিছো।জুবিন দাই ন্যায় পাবই লাগিব।
সাগৰক আমি ঘিণ কৰো, সাগৰ নালাগে আমাক…জুবিন দাক আকৌ লাগে আমাক…ৰিয়েলত যদি জুবিন দাক আমি ঘূৰাই আনিব পাৰিলো হয়, আমি খুব সুখী হ’লোহেঁতেন।
লগতে পঢ়ক: মুক্তিপালে জুবিন গাৰ্গৰ সপোনৰ ছবি ‘ৰৈ ৰৈ বিনালে’; কান্দি কান্দি ছবিগৃহৰ পৰা ওলাই আহিল দৰ্শক
